Alt Image
പക്ഷിപ്പനിക്ക് വാക്‌സിന്‍ വികസിപ്പിച്ച് ഇന്ത്യ; പ്രതീക്ഷയില്‍ കോഴിവളര്‍ത്തല്‍ മേഖല ◆ യുപിഐ എംഡിആർ നിരക്കുകൾ വീണ്ടും വൈകിയേക്കും; നടപ്പിലാക്കുന്ന തീയതിയിൽ സമവായത്തിലെത്താതെ സർക്കാറും ആർബിഐയും ◆ വായ്പാ തട്ടിപ്പ് കേസ്: ചന്ദ കൊച്ചാറിനെ പ്രോസിക്യൂട്ട് ചെയ്യാനുള്ള അനുമതി ബോംബെ ഹൈക്കോടതി റദ്ദാക്കി ◆ അരിയുടെയും മറ്റ് ഭക്ഷ്യധാന്യങ്ങളുടെയും വില നിയന്ത്രിക്കും; സ്ഥിരം വിലസ്ഥിരതാ പദ്ധതിയുമായി കേരള സര്‍ക്കാര്‍ ◆ കേരളത്തിൽ ഭക്ഷ്യവിലക്കയറ്റം ദേശീയ ശരാശരിക്കും മുകളിൽ ◆

ഡോളറിനെതിരെ 38 പൈസ ദുര്‍ബലമായി രൂപ

ന്യൂഡല്‍ഹി: ഡോളറിനെതിരെ രൂപ 38 പൈസ ദുര്‍ബലമായി. 82.60 നിരക്കിലായിരുന്നു ക്ലോസിംഗ്. ദുര്‍ബലമായ ഇക്വിറ്റി വിപണിയും ക്രൂഡ് ഓയില്‍ വില ഉയര്‍ന്നതുമാണ് പ്രതികൂലമായത്.

82.38 നിരക്കില്‍ ഓപ്പണ്‍ ചെയ്ത ശേഷം 82.37 നിരക്കിലേയ്ക്ക് ശക്തിപ്രാപിച്ചെങ്കിലും പിന്നീട് 38 പൈസ നഷ്ടപ്പെടുത്തി 82.60 നിരക്കില്‍ വ്യാപാരം അവസാനിപ്പിക്കുകയായിരുന്നു. ഓഗസ്റ്റ് 1 ന് 82.22 നിരക്കിലായിരുന്നു ക്ലോസിംഗ്.

ആറ് കറന്‍സികള്‍ക്കെതിരെ ഡോളറിന്റെ ശക്തി അളക്കുന്ന ഡോളര്‍ സൂചിക അതേസമയം0.07 ശതമാനം ഇടിവ് നേരിട്ടു. 102.22 നിരക്കിലായിരുന്നു ക്ലോസിംഗ്. ബ്രെന്റ് ക്രൂഡ് 0.59 ശതമാനം ഉയര്‍ന്ന് ബാരലിന് 85.41 ഡോളറിലായിട്ടുണ്ട്.

ആഭ്യന്തര ഇക്വിറ്റി സൂചികകള്‍ ബുധനാഴ്ച ഇടിവ് നേരിട്ടിരുന്നു. ബിഎസ്ഇ സെന്‍സെക്‌സ് 676.53 പോയിന്റ് അഥവാ 1.02 ശതമാനം നഷ്ടത്തില്‍ 65782.78 ലെവലിലും നിഫ്റ്റി 207 പോയിന്റ് അഥവാ 1.05 ശതമാനം താഴ്ന്ന് 19526.55 ലെവലിലും ക്ലോസ് ചെയ്യുകയായിരുന്നു. വിദേശ നിക്ഷേപ സ്ഥാപനങ്ങള്‍ ചൊവ്വാഴ്ച അറ്റ വില്‍പ്പനക്കാരായി.

92.85 കോടി രൂപയുടെ അറ്റ ഓഹരി വില്‍പനയാണ് അവര്‍ നടത്തിയത്.

X
Top