Alt Image
പക്ഷിപ്പനിക്ക് വാക്‌സിന്‍ വികസിപ്പിച്ച് ഇന്ത്യ; പ്രതീക്ഷയില്‍ കോഴിവളര്‍ത്തല്‍ മേഖല ◆ യുപിഐ എംഡിആർ നിരക്കുകൾ വീണ്ടും വൈകിയേക്കും; നടപ്പിലാക്കുന്ന തീയതിയിൽ സമവായത്തിലെത്താതെ സർക്കാറും ആർബിഐയും ◆ വായ്പാ തട്ടിപ്പ് കേസ്: ചന്ദ കൊച്ചാറിനെ പ്രോസിക്യൂട്ട് ചെയ്യാനുള്ള അനുമതി ബോംബെ ഹൈക്കോടതി റദ്ദാക്കി ◆ അരിയുടെയും മറ്റ് ഭക്ഷ്യധാന്യങ്ങളുടെയും വില നിയന്ത്രിക്കും; സ്ഥിരം വിലസ്ഥിരതാ പദ്ധതിയുമായി കേരള സര്‍ക്കാര്‍ ◆ കേരളത്തിൽ ഭക്ഷ്യവിലക്കയറ്റം ദേശീയ ശരാശരിക്കും മുകളിൽ ◆

ഡോളറിനെതിരെ രൂപ നേട്ടത്തില്‍

മുംബൈ: യുഎസ് ഡോളറിനെതിരെ രൂപ 3 പൈസ നേട്ടത്തില്‍ 87.72 നിരക്കില്‍ ക്ലോസ് ചെയ്തു. ആഭ്യന്തര ഓഹരി വിപണിയിലെ ഇടിവും വിദേശ നിക്ഷേപകരുടെ പിന്മാറ്റവും കാരണം രൂപ ദുര്‍ബലമാണെന്ന് ഫോറെക്‌സ് വ്യാപാരികള്‍ പറയുന്നു.

കൂടാതെ ഇന്ത്യ-യുഎസ് വ്യാപാര സംഘര്‍ഷവും അനിശ്ചിതാവസ്ഥയും പ്രതിസന്ധിയുടെ ആഴം വര്‍ദ്ധിപ്പിച്ചു. ഇന്റര്‍ബാങ്ക് ഫോറിന്‍ എക്‌സ്‌ചേഞ്ചില്‍ 87.70 നിരക്കിലാണ് ഇന്ത്യന്‍ കറന്‍സി വ്യാപാരം ആരംഭിച്ചത്. പിന്നീട് 87.59 നിരക്കില്‍ ശക്തി പ്രാപിച്ചെങ്കിലും 87.72 നിരക്കിലേയ്ക്ക് വീണു.

ആറ് കറന്‍സികള്‍ക്കെതിരെ യൂഎസ് കറന്‍സിയുടെ ശക്തി അളക്കുന്ന ഡോളര്‍ സൂചിക 0.04 ശതമാനം ഉയര്‍ന്ന് 98.55 നിരക്കിലാണുള്ളത്. വിദേശ നിക്ഷേപ സ്ഥാപനങ്ങള്‍ തിങ്കളാഴ്ച 1202.65 കോടി രൂപയുടെ ഇന്ത്യന്‍ ഓഹരികള്‍ വില്‍പന നടത്തിയിരുന്നു.

X
Top