Alt Image
പക്ഷിപ്പനിക്ക് വാക്‌സിന്‍ വികസിപ്പിച്ച് ഇന്ത്യ; പ്രതീക്ഷയില്‍ കോഴിവളര്‍ത്തല്‍ മേഖല ◆ യുപിഐ എംഡിആർ നിരക്കുകൾ വീണ്ടും വൈകിയേക്കും; നടപ്പിലാക്കുന്ന തീയതിയിൽ സമവായത്തിലെത്താതെ സർക്കാറും ആർബിഐയും ◆ വായ്പാ തട്ടിപ്പ് കേസ്: ചന്ദ കൊച്ചാറിനെ പ്രോസിക്യൂട്ട് ചെയ്യാനുള്ള അനുമതി ബോംബെ ഹൈക്കോടതി റദ്ദാക്കി ◆ അരിയുടെയും മറ്റ് ഭക്ഷ്യധാന്യങ്ങളുടെയും വില നിയന്ത്രിക്കും; സ്ഥിരം വിലസ്ഥിരതാ പദ്ധതിയുമായി കേരള സര്‍ക്കാര്‍ ◆ കേരളത്തിൽ ഭക്ഷ്യവിലക്കയറ്റം ദേശീയ ശരാശരിക്കും മുകളിൽ ◆

ഡോളറിനെതിരെ രൂപ ദുര്‍ബലമായി തുടരുന്നു

മുംബൈ: തുടക്കത്തിലെ നേട്ടങ്ങള്‍ക്ക് ശേഷം രൂപ ഡോളറിനെതിരെ 5 പൈസ നഷ്ടത്തില്‍ 86.36 നിരക്കില്‍ ക്ലോസ് ചെയ്തു. ഓഗസ്റ്റ് 1 എന്ന സമയപരിധിയ്ക്ക് മുന്നോടിയായി യുഎസ്-ഇന്ത്യ വ്യാപാര ഉടമ്പടി നിലവില്‍ വരുമോ എന്ന ആശങ്കയാണ് കാരണം. അതേസമയം ഡോളറും ക്രൂഡ് ഓയിലും ദുര്‍ബലമായത് ഭാഗികമായി രൂപയുടെ തകര്‍ച്ച തടഞ്ഞു.

ഇന്റര്‍ബാങ്ക് ഫോറിന്‍ എക്‌സ്‌ചേഞ്ചില്‍ 86.26 നിരക്കിലാണ് ഇന്ത്യന്‍ കറന്‍സി വ്യാപാരം തുടങ്ങിയത്. പിന്നീട് 86.22 നിലയിലേയ്ക്ക് ഉയര്‍ന്നെങ്കിലും 86.41 നിരക്കിലേയ്ക്ക് താഴ്ന്നു. അതിനുശേഷം 86.36 ലെവലില്‍ ക്ലോസ് ചെയ്യുകയായിരുന്നു.

തിങ്കളാഴ്ച 15 പൈസ നഷ്ടത്തില്‍ 86.31 നിരക്കിലാണ് രൂപ വ്യാപാരം അവസാനിപ്പിച്ചത്. ആറ് കറന്‍സികള്‍ക്കെതിരെ ഡോളറിന്റെ ശക്തി അളക്കുന്ന ഡോളര്‍ സൂചിക 0.03 ശതമാനം ദുര്‍ബലമായിട്ടുണ്ട്. 97.82 നിരക്കിലാണ് യുഎസ് കറന്‍സിയുള്ളത്.

ബ്രെന്റ് ക്രൂഡ് 0.94 ശതമാനം ഇടിഞ്ഞ് 68.56 നിരക്കിലെത്തി.

X
Top