ന്യൂഡല്ഹി: റിസര്വ് ബാങ്ക് ഓഫ് ഇന്ത്യ (ആര്ബിഐ) തങ്ങളുടെ നിയന്ത്രണത്തിലുള്ള വിപണികളുടെ പ്രവര്ത്തന സമയം നീട്ടി. കോവിഡ് മഹാമാരിയ്ക്ക് മുന്പുള്ള പ്രവര്ത്തന സമയം 9എഎം-5പിഎം പുന:സ്ഥാപിക്കുകയായിരുന്നു. പുതുക്കിയ സമയക്രമം ഡിസംബര് 12 ന് പ്രാബല്യത്തില് വരും.
പുതിയ സമയക്രമത്തില്, കോള്/അറിയിപ്പ്/ടേം മണി മാര്ക്കറ്റ്,വാണിജ്യ പേപ്പര്, ഡെപ്പോസിറ്റ് സര്ട്ടിഫിക്കറ്റുകള്,കോര്പ്പറേറ്റ് ബോണ്ടുകളിലെ റിപ്പോ,രൂപ പലിശ നിരക്ക് ഡെറിവേറ്റീവുകള് എന്നിവ വൈകീട്ട് അഞ്ച് വരെ നീളും. ലിക്വിഡിറ്റി പ്രവര്ത്തനങ്ങള് സാധാരണഗതിയിലാക്കാന് , സമയക്രമം പുന: സ്ഥാപിച്ചതായി കേന്ദ്രബാങ്ക് അറിയിക്കുകയായിരുന്നു.
