ന്യൂഡല്ഹി: ബാങ്ക് ഓഫ് ബഹ്റൈന് ആന്റ്കുവൈറ്റ് ബിഎസ്സി ഇന്ത്യ പ്രവര്ത്തനങ്ങള്ക്ക് 2.66 കോടി രൂപ പിഴ ചുമത്തിയതായി റിസര്വ് ബാങ്ക് അറിയിച്ചു. അസാധാരണവും അനധികൃതവുമായ ഡാറ്റബേസ് പ്രവര്ത്തനങ്ങള് കണ്ടെത്തുന്നതില് പരാജയപ്പെട്ടതിനെ തുടര്ന്നാണ് നടപടി. സുരക്ഷാ പ്രവര്ത്തന കേന്ദ്രങ്ങള് സ്ഥാപിക്കാന് സ്ഥാപനം തയ്യാറായില്ല.
ഇതോടെ തത്സമയ വിവരങ്ങളും സുരക്ഷാ നിലയെക്കുറിച്ചുള്ള ഉള്ക്കാഴ്ചയും ലഭ്യമാകാതെ പോയി. കൂടാതെ ഡാറ്റാബേസിനും സെര്വറുകളുടെ ഓപ്പറേറ്റിംഗ് സിസ്റ്റത്തിനുമുള്ള ഓഡിറ്റ് ലോഗുകള് പ്രവര്ത്തനക്ഷമമല്ല. പിഴ ചുമത്താതിരിക്കാനുള്ള കാരണങ്ങളുണ്ടെങ്കില് വ്യക്തമാക്കണമെന്നാവശ്യപ്പെട്ട് നോട്ടീസ് നല്കിയിരുന്നു.
മറുപടിയും ഹിയറിംഗ് സമയത്ത് നല്കിയ വാക്കാലുളള നിവേദനവും പരിശോധിച്ച് ആര്ബിഐ പിഴവുകള് സ്ഥിരീകരിച്ചു.
