മുംബൈ: ലാസ്റ്റ്-മൈൽ ഡെലിവറി വിഭാഗത്തിൽ ഇലക്ട്രിക് വാഹനങ്ങളുടെ വർദ്ധിച്ചുവരുന്ന ആവശ്യം നിറവേറ്റുന്നതിനായും, റീട്ടെയിൽ നിക്ഷേപകർക്ക് ധനസഹായം നൽകുന്നതിനായും ഗ്രിപ്പ് ഇൻവെസ്റ്റുമായി തന്ത്രപരമായ പങ്കാളിത്തം പ്രഖ്യാപിച്ച്‌ ഇവി നിർമ്മാതാക്കളായ ഒമേഗ സെയ്കി മൊബിലിറ്റി. സഹകരണത്തിന് കീഴിൽ ഡിജിറ്റൽ പ്ലാറ്റ്‌ഫോമായ ഗ്രിപ്പ് ഇൻവെസ്റ്റ്, കമ്പനിയുടെ 1,000 Rage+ റാപ്പിഡ് ഇ-ത്രീ-വീലറുകൾക്ക് ധനസഹായം നൽകും, ഇതിലൂടെ അടുത്ത വർഷാവസാനത്തോടെ കുറഞ്ഞത് 5,000 ഇവികളുടെ വില്പന നടത്താൻ ഒമേഗ സെയ്കി പദ്ധതിയിടുന്നു. തങ്ങൾക്ക് നിലവിൽ 40,000-ലധികം വാണിജ്യ ഇലക്ട്രിക് വാഹനങ്ങളുടെ ഓർഡർ ബുക്ക് ഉണ്ടെന്ന് ഇവി നിർമ്മാതാവ് അവകാശപ്പെടുന്നു.
ഇവി വിപണിയിൽ വിജയിക്കുന്നതിനുള്ള ഏക മാർഗം പങ്കാളിത്തം മാത്രമാണെന്ന് കമ്പനി വിശ്വസിക്കുന്നതായും, അതിനാൽ, വാഹനങ്ങളുടെ ഗ്രീൻ ഡ്രൈവ് വർദ്ധിപ്പിക്കുന്നതിന് ഒമേഗ സെയ്‌ക്കി ഒന്നിലധികം പങ്കാളിത്തത്തിൽ ഏർപ്പെട്ടിട്ടുണ്ടെന്നും കമ്പനി പറഞ്ഞു. പ്രാഥമികമായി അവസാന മൈൽ ഡെലിവറിക്കായി ഇ-കൊമേഴ്‌സിനൊപ്പം വിന്യസിക്കുന്ന വാണിജ്യ ഇവികളുടെ ഒരു നിര വികസിപ്പിക്കുന്ന ഇന്ത്യൻ ഇലക്ട്രിക് വാഹന നിർമ്മാതാവാണ് ഒമേഗ സെയ്കി മൊബിലിറ്റി.
