മുംബൈ: ശക്തമായി തിരിച്ചുകയറിയ വിപണി വ്യാഴാഴ്ച റെക്കോര്ഡ് ഉയരം കുറിച്ചു. സെന്സെക്സ് 339.60 പോയിന്റ് അഥവാ 0.52 ശതമാനം ഉയര്ന്ന് 65785.64 ലെവലിലും നിഫ്റ്റി 98.80 പോയിന്റ് അഥവാ 0.51 ശതമാനം ഉയര്ന്ന് 19497.30 ലെവലിലും ക്ലോസ് ചെയ്യുകയായിരുന്നു. 1936 ഓഹരികള് മുന്നേറിയപ്പോള് 1428 ഓഹരികളാണ് തിരിച്ചടി നേരിട്ടത്.
133 ഓഹരി വിലകള് മാറ്റമില്ലാതെ തുടര്ന്നു. മഹീന്ദ്ര ആന്റ് മഹീന്ദ്ര,അപ്പോളോ ഹോസ്പിറ്റല്സ്,പവര്ഗ്രിഡ്,റിലയന്സ് ഇന്ഡസ്ട്രീസ്, ടാറ്റ മോട്ടോഴ്സ് എന്നിവയാണ് മികച്ച നേട്ടം കൈവരിച്ചത്. ഐഷര് മോട്ടോഴ്സ്,എച്ച്ഡിഎഫ്സി ലൈഫ് ഇന്ഷൂറന്സ്,മാരുതി സുസുക്കി.എച്ച്സിഎല്, ബജാജ് ഫിനാന്സ് എന്നിവ ഇടിവ് നേരിട്ടു.
മേഖലകളില് ഊര്ജ്ജം,ഓയില് ആന്റ് ഗ്യാസ്, റിയാലിറ്റി എന്നിവ 2 ശതമാനം വീതമുയര്ന്നപ്പോള് വാഹനം, ഹെല്ത്ത് കെയര് എന്നിവ ഓരോ ശതമാനം വീതമാണ് കൂട്ടിച്ചേര്ത്തത്. ബിഎസ്ഇ മിഡ്ക്യാപ് 0.8 ശതമാനവും സ്മോള്ക്യാപ് 0.7 ശതമാനവും കരുത്താര്ജ്ജിച്ചു.
