ഡൽഹി: വലിയ ശേഷിയുള്ള സോളാർ ഉപകരണ നിർമ്മാണ കേന്ദ്രം സ്ഥാപിക്കുന്നതിന് ഭാരത് ഇലക്ട്രോണിക്സുമായി (ബിഇഎൽ) ധാരണാപത്രം ഒപ്പുവെച്ചതായി എൻഎച്ച്പിസി അറിയിച്ചു. ഗിഗാ വാട്ട് സ്കെയിലിൽ ലംബമായി സംയോജിപ്പിച്ച സോളാർ നിർമ്മാണ യൂണിറ്റ് സ്ഥാപിക്കുന്നതിനായിയാണ് ബിഇഎല്ലുമായി ധാരണാപത്രം ഒപ്പുവച്ചതെന്ന് എൻഎച്ച്പിസി ഒരു ബിഎസ്ഇ ഫയലിംഗിൽ പറഞ്ഞു.
എൻഎച്ച്പിസി ഡയറക്ടർ (പ്രോജക്ട്സ്) ബിശ്വജിത് ബസുവും ബിഇഎൽ ഡയറക്ടർ (ബാംഗ്ലൂർ കോംപ്ലക്സ്) വിനയ് കുമാർ കത്യാലും ചേർന്നാണ് ധാരണാപത്രത്തിൽ ഒപ്പുവച്ചത്. സർക്കാർ ഉടമസ്ഥതയിലുള്ള ജലവൈദ്യുത ഭീമനായ എൻഎച്ച്പിസിക്ക് ജെവി മോഡിലെ രണ്ട് പദ്ധതികൾ ഉൾപ്പെടെ 24 പവർ സ്റ്റേഷനുകളിൽ നിന്ന് 7071.2 മെഗാവാട്ടിന്റെ ഇൻസ്റ്റാളേഷൻ അടിത്തറയുണ്ട്.
ബിഎസ്ഇയിൽ എൻഎച്ച്പിസിയുടെ ഓഹരികൾ 0.59 ശതമാനം ഉയർന്ന് 34 രൂപയിലും ഭാരത് ഇലക്ട്രോണിക്സ് ഓഹരികൾ 3.23 ശതമാനം ഉയർന്ന് രൂപയിലുമാണ് വ്യാപാരം അവസാനിപ്പിച്ചത്.
