Alt Image
ഇന്ത്യയിൽ കല്യാണ സീസണ്‍ തുടങ്ങുന്നു: 45 ദിവസത്തിനിടെ ആറരലക്ഷം കോടിയുടെ ബിസിനസ്! ◆ വിമാനക്ഷാമം പരിഹരിക്കാൻ പുതിയ നീക്കവുമായി ഇന്ത്യ; 1,000 വിമാനങ്ങൾ കൂടി ഓർഡർ ചെയ്യാൻ തയ്യാറാണെന്ന് പീയുഷ് ഗോയൽ ◆ ഇന്ത്യയിൽ നിന്നുള്ള സ്റ്റീൽ ഇറക്കുമതിക്ക് 9.5% അധിക തീരുവയുമായി യൂറോപ്യൻ യൂണിയൻ ◆ ചരിത്രം രചിച്ച് യുപിഐ ഇടപാടുകൾ; ആദ്യമായി 30 ലക്ഷം കോടിയിലേക്ക് ◆ വികസ്വര രാജ്യങ്ങളുടെ വിദേശകടം 9.4 ട്രില്യണ്‍ ഡോളറിലെത്തി ◆

പ്രകൃതി വാതക പൈപ് ലൈൻ
ജൂലൈയിൽ കൂടുതൽ കണക്‌ഷനുകൾ: മുഖ്യമന്ത്രി

തിരുവനന്തപുരം: മംഗളൂരു –കൊച്ചി പ്രകൃതി വാതക പൈപ് ലൈൻ വഴി ജൂലൈയോടെ കൂടുതൽ പ്രദേശങ്ങളിൽ പാചകവാതക വിതരണം ആരംഭിക്കുമെന്നു മുഖ്യമന്ത്രി പിണറായി വിജയൻ. കോഴിക്കോട് ജില്ലയിലെ പനങ്ങാട്, ബാലുശ്ശേരി, നന്മണ്ട പഞ്ചായത്തുകളിൽ ജൂലൈയിൽ കണക്‌ഷൻ നൽകും. കോഴിക്കോട്ടെ ഉണ്ണികുളം പഞ്ചായത്തിൽ ഗാർഹിക കണക്‌ഷൻ നൽകിത്തുടങ്ങിയിട്ടുണ്ട്. കിനാലൂർ ഇൻഡസ്ട്രിയൽ പാർക്കിലും ജൂലൈയിൽ പൈപ് ലൈൻ കണക്ടിവിറ്റി നൽകും. നല്ലളം, വെസ്റ്റ് ഹിൽ തുടങ്ങിയ വ്യവസായ മേഖലകളിലും പാലക്കാട് പുതുശ്ശേരി, ഇലപ്പുള്ളി പഞ്ചായത്തുകളിൽ വീടുകളിലും അടുത്ത ഡിസംബറിൽ നൽകാനാകും. തൃശൂർ ജില്ലയിൽ ചൊവ്വന്നൂർ, കുന്നംകുളം, ഗുരുവായൂർ, ചാവക്കാട് എന്നിവിടങ്ങളിൽ വീടുകളിൽ എത്തിക്കാനുള്ള പൈപ് ലൈൻ പുരോഗമിച്ചുവരുന്നുവെന്നും മുഖ്യമന്ത്രി നിയമസഭയിൽ അറിയിച്ചു.

X
Top