ന്യൂഡല്ഹി: ഇടക്കാല ലാഭവിഹിത വിതരണത്തിന്റെ റെക്കോര്ഡ് തീയതിയായി നവംബര് 18 പ്രഖ്യാപിച്ചിരിക്കയാണ് മിനിരത്ന സ്ഥാപനമായ റൈറ്റ്സ് ലിമിറ്റഡ് (RITES). ഡയറക്ടര് ബോര്ഡ് നിശ്ചയിക്കുന്നത് പ്രകാരമായിരിക്കും ഡിവിഡന്റ് വിതരണം. കമ്പനിയുടെ രണ്ടാമത്തെ ഇടക്കാല ലാഭവിഹിതമാകും ഇത്.
409 രൂപ വിലയുള്ള ഈ പൊതുമേഖല ഓഹരിയുടെ 52 ആഴ്ച ഉയരം 417 രൂപയാണ്. 52 ആഴ്ചയിലെ താഴ്ച 226 രൂപ. കഴിഞ്ഞ 5 വര്ഷത്തില് 140 ശതമാനത്തിന്റെ മള്ട്ടിബാഗര് നേട്ടമാണ് സ്റ്റോക്ക് കൈവരിച്ചത്.
3 വര്ഷത്തില് 45 ശതമാനവും ഒരു വര്ഷത്തില് 53 ശതമാനവും വളരാനായി. റെയില് ഇന്ത്യ ടെക്നിക്കല് ആന്റ് എക്കണോമിക് സര്വീസസ് െ്രെപവറ്റ് ലിമിറ്റഡ് (റൈറ്റ്സ്) കാറ്റഗറി ഒന്നില് പെട്ട മിനിരത്ന പൊതുമേഖല സ്ഥാപനമാണ്. എഞ്ചിനീയറിംഗ്, കണ്സള്ട്ടന്സി രംഗത്താണ് പ്രവര്ത്തനം. ഗതാഗതം, അടിസ്ഥാന സൗകര്യവികസന വിദഗ്ധോപദേശം, എഞ്ചിനീയറിംഗ്, പ്രൊജക്ട് മാനേജ്മെന്റ് എന്നീ സേവനങ്ങളാണ് നല്കുന്നത്.
