ന്യൂഡല്‍ഹി: ലാഭവിഹിതത്തിനുള്ള റെക്കോര്‍ഡ് തീയതിയായി ജൂലൈ 21 നിശ്ചയിച്ചിരിക്കയാണ് മിഡ് ക്യാപ് അഗ്രോ കെമിക്കല്‍സ് സെക്ടര്‍ സ്റ്റോക്ക്, സുമിറ്റോമോ കെമിക്കല്‍സ്. 10 രൂപ മുഖവിലയുള്ള ഓഹരിയ്ക്ക് 1.2 രൂപയാണ് ലാഭവിഹിതം. ഓഹരി ഒരു വര്‍ഷത്തില്‍ 8 ശതമാനവും 2023 ല്‍ 3 ശതമാനവും ഇടിവ് രേഖപ്പെടുത്തി.
അതേസമയം 2 വര്‍ഷത്തില്‍ 14 ശതമാനവും 3 വര്‍ഷത്തില്‍ 62 ശതമാനവും നേട്ടമുണ്ടാക്കിയിട്ടുണ്ട്. ഓഹരിയുടെ 52 ആഴ്ച ഉയരം 540.65 രൂപയും താഴ്ച 382.50 രൂപയുമാണ്. വിപണി മൂല്യം 22406.65 കോടി രൂപ.
നിലവില്‍ 448.90 രൂപയിലാണ് സ്റ്റോക്കുള്ളത്. നാലാംപാദത്തില്‍ 668.05 കോടി രൂപയുടെ വരുമാനമാണ് കമ്പനി നേടിയത്. മുന്‍വര്‍ഷത്തെ സമാന പാദത്തെ അപേക്ഷിച്ച് 12.88 ശതമാനം കുറവ്. അറ്റാദായം 72.12 കോടി രൂപയാണ്.
