Alt Image
സമ്പദ്‌വ്യവസ്ഥയുടെ വളർച്ചയിൽ നേരിയ ഇടിവുണ്ടാകുമെന്ന് ഐസിആർഎ; രണ്ടാം പാദത്തിൽ 7.5% മാത്രം, കാർഷിക മേഖലയിൽ വലിയ തിരിച്ചടി ◆ രത്ന, ആഭരണ കയറ്റുമതിയിൽ 34 ശതമാനം കുതിപ്പ് ◆ രാജ്യത്തെ സ്വർണപ്പണയ വിപണിയിൽ ആഗോള ഭീമന്മാരുടെ മത്സരം ◆ ഇന്ത്യയിൽ കല്യാണ സീസണ്‍ തുടങ്ങുന്നു: 45 ദിവസത്തിനിടെ ആറരലക്ഷം കോടിയുടെ ബിസിനസ്! ◆ വിമാനക്ഷാമം പരിഹരിക്കാൻ പുതിയ നീക്കവുമായി ഇന്ത്യ; 1,000 വിമാനങ്ങൾ കൂടി ഓർഡർ ചെയ്യാൻ തയ്യാറാണെന്ന് പീയുഷ് ഗോയൽ ◆

ലോകമെമ്പാടുമുള്ള ഉപയോക്താക്കളെ ബാധിച്ച് മൈക്രോസോഫ്റ്റിന്റെ സാങ്കേതിക തകരാര്‍

ദുബായ്: ലോകമെമ്പാടുമുള്ള ബിസിനസുകളെയും ഉപയോക്താക്കളെയും ബാധിച്ച് മൈക്രോസോഫ്റ്റിന്റെ ക്ലൗഡ് സേവനങ്ങളുടെയും ആപ്പുകളുടെയും സാങ്കേതിക തകരാര്‍.

സെൻട്രൽ യുഎസ് മേഖലയിലെ ക്ലൗഡ് സർവീസുകളിലെ തകരാര്‍ നിരവധി വിമാന സർവീസുകൾ റദ്ദാക്കാൻ കാരണമായെന്നു റോയിട്ടേഴ്സ് റിപ്പോര്‍ട്ട് ചെയ്തു. മൈക്രോസോഫ്റ്റിൻ്റെ ക്ലൗഡ് കംപ്യൂട്ടിങ് പ്ലാറ്റ്‌ഫോമായ അസുറിനെ ബാധിക്കുന്ന ഒരു തകരാറാണ് എയർലൈനുകളുടെ പ്രവർത്തനങ്ങളെ തടസ്സപ്പെടുത്തിയതെന്നാണ് വിവരം.

മൈക്രോസോഫ്റ്റിന്റെ ക്ലൗഡ് പവർ പ്രൊഡക്റ്റിവിറ്റ് പ്ലാറ്റ്ഫോമായ 365നെ ഉൾപ്പടെയാണ് ഈ പ്രശ്നം ബാധിച്ചത്. ആയിരത്തിനടുത്ത് റിപ്പോർട്ടുകൾ‍ നിലവിൽ വന്നതായി ഒരു റിപ്പോർട്ടിങ് പ്ലാറ്റ്ഫോം വെളിപ്പെടുത്തി.

74 ശതമാനം ഉപയോക്താക്കൾക്കും വൺഡ്രൈവിൽ പ്രശ്നം വന്നതായി പറയപ്പെടുന്നുയ 16 ശതമാനം ആളുകൾ സെർവർ പ്രശ്നങ്ങളാണ് പറയുന്നത്. എക്സ്ബോക്സ് ലൈവ് സേവനങ്ങളെയും പ്രശ്നം ബാധിക്കപ്പെട്ടതായി ഉപയോക്താക്കൾ എക്സിൽ പോസ്റ്റ് ചെയ്തു.

അതേസേമയം പ്രശ്നം പരിഹരിക്കാന്‍ ശ്രമിക്കുകയാണെന്നും ശ്രമങ്ങൾ പുരോഗമിക്കുന്നതായുും മൈക്രോസോഫ്റ്റ് പറയുന്നു. Azure സേവനങ്ങളിലെ പ്രശ്നങ്ങൾ ലഘൂകരിക്കാനുള്ള ശ്രമങ്ങൾ പൂർത്തിയാക്കിയതായും കമ്പനി പിന്നീട് വെബ്സൈൈറ്റിൽ അറിയിച്ചു.

X
Top