ന്യൂഡല്ഹി: സാമൂഹികമാധ്യമങ്ങളായ ഫെയ്സ്ബുക്കിന്റെയും ഇൻസ്റ്റഗ്രാമിന്റെയും വാട്സാപ്പിന്റെയും മാതൃകമ്പനിയായ മെറ്റയ്ക്ക് 213 കോടി രൂപ പിഴയിട്ട് ഇന്ത്യയുടെ മത്സരക്കമ്മിഷൻ.
2021-ലെ വാട്സാപ്പ് സ്വകാര്യതാ നയപരിഷ്കരണവുമായി ബന്ധപ്പെട്ട് മെറ്റ കൃത്രിമത്വം കാട്ടിയെന്ന് ചൂണ്ടിക്കാട്ടിയാണിത്.
ഡിജിറ്റല് വിപണിയിലെ കുത്തക നിലനിർത്താനുള്ള നിയമവിരുദ്ധ ശ്രമങ്ങളില്നിന്ന് വിട്ടുനില്ക്കാനും മത്സരവിരുദ്ധ നടപടികളില് നിന്നൊഴിവാകാനും കമ്മിഷൻ മെറ്റയോടു നിർദേശിച്ചു.
