മുംബൈ: ഇന്ത്യന് വിപണി, ആഴ്ച, നഷ്ടത്തില് അവസാനിപ്പിച്ചു. സെന്സെക്സ് 2023.36 പോയിന്റ് അഥവാ 0.31 ശതമാനം താഴ്ന്ന് 64948.66 ലെവലിലും നിഫ്റ്റി 55.10 പോയിന്റ് അഥവാ 0.28 ശതമാനം താഴ്ന്ന് 19310.15 ലെവലിലും ക്ലോസ് ചെയ്യുകയായിരുന്നു. ഇത് തുടര്ച്ചയായ മൂന്നാം ദിവസമാണ് സൂചികകള് ഇടിവ് നേരിടുന്നത്.
പ്രതിവാര കണക്കെടുപ്പില് നിഫ്റ്റി അര ശതമാനം പൊഴിച്ചു.ഹീറോ മോട്ടോകോര്പ്പ്, ടിസിഎസ്, കോള് ഇന്ത്യ, ഹിന്ഡാല്കോ ഇന്ഡസ്ട്രീസ്, ടെക് മഹീന്ദ്ര എന്നിവയാണ് നിഫ്റ്റിയില് ഏറ്റവും കൂടുതല് നഷ്ടം നേരിട്ട ഓഹരികള്. അദാനി എന്റര്പ്രൈസസ്, അദാനി പോര്ട്ട്സ്, ഐഷര് മോട്ടോഴ്സ്, മാരുതി സുസുക്കി, നെസ്ലെ ഇന്ത്യ എന്നിവ നേട്ടത്തിലായി.
എഫ്എംസിജി, പവര് എന്നിവ ഒഴികെയുള്ള മറ്റെല്ലാ മേഖലാ സൂചികകളും താഴ്ച വരിച്ചപ്പോള് ഇന്ഫര്മേഷന് ടെക്നോളജി സൂചിക 1.5 ശതമാനവും മെറ്റല് സൂചിക ഒരു ശതമാനവും ഇടിഞ്ഞു. ബിഎസ്ഇ മിഡ്ക്യാപ്,സ്മോള്ക്യാപ് സൂചികകള് നഷ്ടത്തിലാണ് വ്യാപാരം അവസാനിപ്പിച്ചത്.
