മുംബൈ: വിപണി തുടര്ച്ചയായ രണ്ടാം ദിവസവും നഷ്ടത്തിലായി. സെന്സെക്സ് 259.52 പോയിന്റ് അഥവാ 0.41 ശതമാനം താഴ്ന്ന് 62979.37 ലെവലിലും നിഫ്റ്റി 105.80 പോയിന്റ് അഥവാ 0.56 ശതമാനം താഴ്ന്ന് 18665.50 ലെലവിലും വ്യാപാരം അവസാനിപ്പിക്കുകയായിരുന്നു. 1147 ഓഹരികള് മുന്നേറിയപ്പോള് 2228 ഓഹരികളാണ് തിരിച്ചടി നേരിട്ടത്.
138 ഓഹരി വിലകളില് മാറ്റമില്ല. അദാനി എന്റര്പ്രൈസസ്, അദാനി പോര്ട്ട്സ്, ബിപിസിഎല്, ഹിന്ഡാല്കോ ഇന്ഡസ്ട്രീസ്, ദിവിസ് ലാബ്സ് എന്നിവയാണ് നിഫ്റ്റിയില് കനത്ത നഷ്ടം നേരിട്ടത്. ഇന്ഡസ്ഇന്ഡ് ബാങ്ക്, ഡോ റെഡ്ഡീസ് ലബോറട്ടറീസ്, ഭാരതി എയര്ടെല്, ഏഷ്യന് പെയിന്റ്സ്, എന്ടിപിസി എന്നിവ നേട്ടത്തിലായി.
മേഖലകളില് ലോഹം, എണ്ണ, വാതകം, പവര്, ക്യാപിറ്റല് ഗുഡ്സ്, ഓട്ടോ, ഇന്ഫര്മേഷന് ടെക്നോളജി, പിഎസ്യു ബാങ്ക് എന്നിവ 1-2 ശതമാനവും റിയാലിറ്റി,എഫ്എംസിജി എന്നിവ 0.6 ശതമാനം വീതവും ഇടിഞ്ഞപ്പോള് ബിഎസ്ഇ മിഡ്ക്യാപ്, സ്മോള്ക്യാപ് 1 ശതമാനം വീതമാണ് ദുര്ബലമായത്.
