Alt Image
സമ്പദ്‌വ്യവസ്ഥയുടെ വളർച്ചയിൽ നേരിയ ഇടിവുണ്ടാകുമെന്ന് ഐസിആർഎ; രണ്ടാം പാദത്തിൽ 7.5% മാത്രം, കാർഷിക മേഖലയിൽ വലിയ തിരിച്ചടി ◆ രത്ന, ആഭരണ കയറ്റുമതിയിൽ 34 ശതമാനം കുതിപ്പ് ◆ രാജ്യത്തെ സ്വർണപ്പണയ വിപണിയിൽ ആഗോള ഭീമന്മാരുടെ മത്സരം ◆ ഇന്ത്യയിൽ കല്യാണ സീസണ്‍ തുടങ്ങുന്നു: 45 ദിവസത്തിനിടെ ആറരലക്ഷം കോടിയുടെ ബിസിനസ്! ◆ വിമാനക്ഷാമം പരിഹരിക്കാൻ പുതിയ നീക്കവുമായി ഇന്ത്യ; 1,000 വിമാനങ്ങൾ കൂടി ഓർഡർ ചെയ്യാൻ തയ്യാറാണെന്ന് പീയുഷ് ഗോയൽ ◆

ഐആർഐഎസ് മെഡിക്കൽ കമ്പനിയിൽ നിക്ഷേപമിറക്കി കായ

മുംബൈ: ഐആർഐഎസ് മെഡിക്കൽ സെന്റർ എൽഎൽസിയുടെ 15 ശതമാനം ഓഹരി സ്വന്തമാക്കി കായയുടെ പൂർണ ഉടമസ്ഥതയിലുള്ള ഉപസ്ഥാപനമായ കായ മിഡിൽ ഈസ്റ്റ് ഡിഎംസിസി. ഇതോടെ കമ്പനിയിലെ കായയുടെ ഓഹരി പങ്കാളിത്തം നിലവിലെ 85 ശതമാനത്തിൽ നിന്ന് 100 ശതമാനമായി ഉയർന്നു.

ഐആർഐഎസ് മെഡിക്കൽ സെന്ററിന്റെ 15% ഓഹരികൾ 22,500 ദിർഹത്തിനാണ് (AED) ഏറ്റെടുത്തതെന്നും. ഇടപാടോടെ ഐആർഐഎസ് മെഡിക്കൽ സെന്റർ എൽഎൽസി കമ്പനിയുടെ പൂർണ്ണ ഉടമസ്ഥതയിലുള്ള ഉപസ്ഥാപനമായി മാറിയതായും കായ പ്രസ്താവനയിൽ പറഞ്ഞു.

2014 ൽ പ്രവർത്തനം ആരംഭിച്ച ഐആർഐഎസ് മെഡിക്കൽ സെന്റർ ഡെർമറ്റോളജി ചികിത്സയുടെ ബിസിനസ്സിലാണ് ഏർപ്പെട്ടിരിക്കുന്നത്. 2022 സാമ്പത്തിക വർഷത്തിൽ ഇതിന്റെ വിറ്റുവരവ് 9.8 ലക്ഷം ദിർഹം ആയിരുന്നു.

അതേസമയം ഇന്ത്യയിലും മിഡിൽ ഈസ്റ്റിലും സ്പെഷ്യാലിറ്റി സ്കിൻ കെയർ സേവനങ്ങൾ വാഗ്ദാനം ചെയ്യുന്ന മുൻനിര കമ്പനിയാണ് കായ ലിമിറ്റഡ്. കായ സ്കിൻ ക്ലിനിക്കുകളുടെ ശ്രേണിയിലൂടെയും കായ സ്കിൻ ബാർ എന്ന ഉൽപ്പന്ന റീട്ടെയിൽ ഫോർമാറ്റിലൂടെയും ഇത് സമഗ്രമായ ചർമ്മസംരക്ഷണ പരിഹാരങ്ങൾ നൽകുന്നു.

X
Top