മെറ്റല് ഓഹരികളായ ഹിന്ഡാല്കോ ഇന്റസ്ട്രീസ്, വേദാന്ത എന്നിവയെ ആഗോള ബ്രോക്കറേജ് ആയ ജെപി മോര്ഗന് അപ്ഗ്രേഡ് ചെയ്തു. നേരത്തെ നല്കിയിരുന്ന ന്യൂട്രല് എന്ന റേറ്റിംഗില് നിന്നും ഓവര്വെയിറ്റ് എന്ന റേറ്റിംഗിലേക്കാണ് ഈ ഓഹരികളെ ഉയര്ത്തിയത്.
പശ്ചിമ ഏഷ്യയിലെ സംഘര്ഷം അലൂമിനിയം വില വര്ധന തുടര്ന്നും നിലനില്ക്കുന്നതിന് കാരണമാകുമെന്ന നിഗമനത്തിന്റെ അടിസ്ഥാനത്തിലാണ് റേറ്റിംഗില് മാറ്റം വരുത്തിയത്. അടുത്ത ഏതാനും പാദങ്ങളിലെ ഈ കമ്പനികളുടെ പ്രകടനം മികച്ചതായിരിക്കുമെന്ന് ജെപി മോര്ഗന് വിലയിരുത്തുന്നു.
ഇന്നലെ ഓഹരികളുടെ വിലയില് മുന്നേറ്റമുണ്ടായി. വേദാന്ത മൂന്ന് ശതമാനവും ഹിന്ഡാല്കോ രണ്ടര ശതമാനവുമാണ് ഉയര്ന്നത്. ജെപി മോര്ഗന് ഈ ഓഹരികളില് ലക്ഷ്യമാക്കുന്ന വില ഉയര്ത്തി.
ഹിന്ഡാല്കോ 1125 രൂപയിലേക്കും വേദാന്ത 850 രൂപയിലേക്കും വില ഉയരുമെന്നാണ് പ്രവചനം. നിലവിലുള്ള വിലയില് നിന്നും 20-22 ശതമാനം മുന്നേറ്റമാണ് പ്രതീക്ഷിക്കുന്നത്.
