രാജ്യത്തെ മുൻനിര ടെലികോം സേവനദാതാവായ ജിയോ 98 ദിവസം വാലിഡിറ്റിയുള്ള പുതിയ പ്ലാൻ അവതരിപ്പിച്ചു. പ്രീപെയ്ഡ് ഉപഭോക്താക്കൾക്കും പോസ്റ്റ് പെയ്ഡ് ഉപഭോക്താക്കൾക്കും ഒരുപോലെ ലഭ്യമായ ഈ പ്ലാനിന് 999 രൂപയാണ് വില. മറ്റ് പ്ലാനുകൾക്ക് സമാനമായ ആനുകൂല്യങ്ങളാണ് ഈ പ്ലാനിലും ലഭിക്കുക.
അൺലിമിറ്റഡ് 5ജിക്കൊപ്പം അൺലിമിറ്റഡ് കോളുകളും ദിവസേന 100 എംഎംഎസും ലഭിക്കും. ജിയോ ക്ലൗഡ്, ജിയോ സിനിമ, ജിയോ ടിവി സ്യൂട്ട് ആപ്പുകളും ഉപയോഗിക്കാം. 5ജി കണക്ടിവിറ്റിയില്ലാത്ത ഇടങ്ങളിലാണെങ്കിൽ 2 ജിബി 2ജിബി പ്രതിദിന 4ജി ഡാറ്റ കമ്പനി നൽകുന്നുണ്ട്. ജിയോ വെബ്സൈറ്റിൽ നിന്നും മൈ ജിയോ ആപ്പിൽ നിന്നും 999 രൂപയുടെ പ്ലാൻ റീച്ചാർജ് ചെയ്യാം.
ദീർഘകാലത്തെ വാലിഡിറ്റി ആഗ്രഹിക്കുന്ന ഉപഭോക്താക്കൾക്ക് അനുയോജ്യമാണ് ഈ പ്ലാൻ. അതേസമയം ഒടിടി പ്ലാനുകളോടുകൂടിയ 1049 രൂപയുടേയും 1299 രൂപയുടേയും പ്ലാനുകൾ ജിയോയ്ക്കുണ്ട്. 84 ദിവസമാണ് ഈ പ്ലാനുകളുടെ വാലിഡിറ്റി.
