റിലയൻസ് ജിയോ അതിന്റെ ഏറ്റവും പുതിയ സബ്സ്ക്രിപ്ഷൻ പ്ലാനുകൾ പ്രഖ്യാപിച്ചു. പ്രതിമാസം 29 രൂപ മുതലാണ് പ്രീമിയം പ്ലാനുകൾ ആരംഭിക്കുന്നത്. മാത്രമല്ല പ്രതിമാസം 89 രൂപ നിരക്കിൽ 4 ഡിവൈസുകളിൽ സ്ട്രീം ചെയ്യാനാകുന്ന ഫാമിലി പ്ലാനും പ്രഖ്യാപിച്ചിട്ടുണ്ട്.
4K സ്ട്രീമിങ്, ബെസ്റ്റ്-ഇൻ-ക്ലാസ് ഓഡിയോ, ഓഫ്ലൈൻ കാഴ്ച ഉൾപ്പടെയുള്ള ഒരു പരസ്യരഹിത കാഴ്ചാനുഭവം നൽകുകയെന്നതാണ് ജിയോ ലക്ഷ്യമിടുന്നത്.
ഇതുവരെ ലഭിച്ച വിവരങ്ങൾ പ്രകാരം ഇങ്ങനെ ആയിരിക്കും
∙ പരസ്യ രഹിത ഉള്ളടക്കം (തത്സമയ, സ്പോർട്സ് ഉള്ളടക്കം ഒഴികെ)
∙ എക്സ്ക്ലൂസീവ് ഒറിജിനൽ വെബ് സീരീസിലേക്കുള്ള ആക്സസ്
∙ ഹോളിവുഡ് സിനിമകൾ
∙ ബ്ലോക്ക്ബസ്റ്റർ സിനിമകൾ
∙ ടിവി സീരിയലുകളിലേക്കുള്ള ആദ്യകാല ആക്സസ്
∙ 4K വരെ നിലവാരമുള്ള സ്ട്രീമിങ്
∙ ഓഫ്ലൈൻ കാണുന്നതിന് ഡൗൺലോഡ് ചെയ്യാം
അതേസമയം ഇപ്പോൾ നടക്കുന്ന ഇന്ത്യൻ പ്രീമിയർ ലീഗ് (ഐപിഎൽ) ഉൾപ്പെടെയുള്ള സ്പോർട്സ് സ്ട്രീമിങും ആയിരക്കണക്കിന് മണിക്കൂർ വിനോദ ഉള്ളടക്കവും അതിൻ്റെ പരസ്യ-പിന്തുണയുള്ള ഓഫറിൻ്റെ ഭാഗമായി സൗജന്യമായി തുടർന്നും ലഭ്യമാകുമെന്നാണ് വിവരം.
