മുംബൈ: ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപ്പറേഷൻ (ഐആർസിടിസി) കമ്പനിയുടെ പ്രവർത്തനങ്ങൾക്കായുള്ള നിയന്ത്രണങ്ങൾ വ്യക്തമാക്കുകയും അതിന്റെ ഉദ്ദേശ്യം നിർവചിക്കുകയും ചെയ്യുന്ന ഒരു രേഖയായ ആർട്ടിക്കിൾസ് ഓഫ് അസോസിയേഷൻ ഭേദഗതി വരുത്താൻ സാധ്യതയുണ്ടെന്നും, റിസർവ് ബാങ്ക് ഓഫ് ഇന്ത്യയുടെ (ആർബിഐ) പേയ്മെന്റ് ലൈസൻസിന് അപേക്ഷിക്കാൻ തയ്യാറെടുക്കുന്നതായും സിഎൻബിസി ടിവി റിപ്പോർട്ട് ചെയ്തു.
ഈ സംഭവവികാസങ്ങളെത്തുടർന്ന് ബിഎസ്ഇയിൽ ഐആർസിടിസി ഓഹരികൾ 1 ശതമാനത്തിലധികം ഉയർന്ന് 677.30 രൂപയിലെത്തി. അതേസമയം ഇന്ത്യൻ റെയിൽവേയുടെ ടിക്കറ്റിംഗ് വിഭാഗം ഒന്നാം പാദത്തിൽ മൂന്ന് മടങ്ങ് വർധനയോടെ 248.5 കോടി രൂപയുടെ അറ്റാദായം നേടിയിരുന്നു.
