ന്യൂഡൽഹി: കോവിഡിനുശേഷം രാജ്യത്ത് ആരോഗ്യ ഇൻഷുറൻസ് ഗുണഭോക്താക്കളുടെ എണ്ണത്തിൽ ഗണ്യമായ വർധന.
കഴിഞ്ഞ നാലുവർഷത്തിനിടെ മേഖലയിൽ 240% വളർച്ചയുണ്ടായതായി ഇൻസർടെക് പ്ലാറ്റ്ഫോമായ ടർട്ടിൽമിന്റ് പുറത്തിറക്കിയ റിപ്പോർട്ടിലെ കണ്ടെത്തൽ.
പുതിയ ഗുണഭോക്താക്കൾ വർധിച്ചതിനൊപ്പം തന്നെ പ്രീമിയം തുക ഉയർത്തിയവരുടെ എണ്ണത്തിലും 2020 മുതൽ 73 % വർധന രേഖപ്പെടുത്തി.
17,914 പേരിൽ നടത്തിയ സർവേയുടെ അടിസ്ഥാനത്തിലാണ് റിപ്പോർട്ട്.വർധിച്ചുവരുന്ന മെഡിക്കൽ ചെലവുകൾക്കുള്ള സാമ്പത്തിക തയാറെടുപ്പിൽ പൊതുജനങ്ങൾ അധികജാഗ്രത പുലർത്തുന്നുവെന്നാണ് ഈ ട്രെന്റിനെ ആരോഗ്യമേഖല വിലയിരുത്തുന്നത്.
