മുംബൈ: എച്ച്ഡിഎഫ്സി ബാങ്ക് അല്പ്പ കാലമായി തുടരുന്ന ദുര്ബലമായ പ്രകടനം അവസാനിച്ചേക്കും. ഓഗസ്റ്റില് എം എസ് സി ഐ സ്റ്റാന്റേര്ഡ് സൂചികയിലെ എച്ച്ഡിഎഫ്സി ബാങ്കിന്റെ വെയിറ്റേജ് ഇരട്ടിയാകുമെന്നാണ് പ്രതീക്ഷിക്കുന്നത്.
ഏപ്രില്-ജൂണ് ത്രൈമാസത്തില് എച്ച്ഡിഎഫ്സി ബാങ്കിലെ വിദേശ നിക്ഷേപകരുടെ ഓഹരി പങ്കാളിത്തം 55 ശതമാനം ആയി കുറഞ്ഞു.
എം എസ് സി ഐ സ്റ്റാന്റേര്ഡ് സൂചികയിലെ വെയിറ്റേജ് ഉയരുന്നതോടെ പാസീവ് ഫണ്ടുകളില് നിന്നും 400 കോടി ഡോളറിന്റെ നിക്ഷേപം എച്ച്ഡിഎഫ്സി ബാങ്കിലെത്തുമെന്നാണ് പ്രതീക്ഷിക്കുന്നത്.
നിലവില് എം എസ് സി ഐ സ്റ്റാന്റേര്ഡ് സൂചികയില് എച്ച്ഡിഎഫ്സി ബാങ്കിനുള്ള വെയിറ്റേജ് 3.8 ശതമാനമാണ്. ഇത് ഓഗസ്റ്റില് 7.2-7.5 ശതമാനമായി ഉയരുമെന്നാണ് പ്രതീക്ഷിക്കുന്നത്. കഴിഞ്ഞ ഒരു മാസത്തിനിടെ എച്ച്ഡിഎഫ്സി ബാങ്കിന്റെ ഓഹരി വില 10 ശതമാനമാണ് ഉയര്ന്നത്.
