ഡൽഹി: ഡിഎസ്എമ്മിന്റെ പ്രധാന ഐടി ബിസിനസ്സ് സിസ്റ്റങ്ങളുടെ നവീകരണത്തിനും ഉൽപ്പന്ന അധിഷ്ഠിത ഐടി ഓപ്പറേറ്റിംഗ് മോഡലിലേക്കുള്ള പരിവർത്തനത്തിനും വേണ്ടി എച്ച്സിഎൽ ടെക്നോളജീസ് ഒന്നിലധികം വർഷത്തെ കരാറിൽ ഒപ്പുവച്ചു. ആരോഗ്യം, പോഷകാഹാരം, ബയോസയൻസ് എന്നിവയിൽ ശ്രദ്ധ കേന്ദ്രികരിക്കുന്ന ശാസ്ത്രത്തെ അടിസ്ഥാനമാക്കിയുള്ള ആഗോള കമ്പനിയാണ് ഡിഎസ്എം. ഈ കരാർ പ്രകാരം ഡിഎസ്എമ്മിന്റെ ഡിജിറ്റൽ പരിവർത്തനം ത്വരിതപ്പെടുത്തൽ, ക്ലൗഡ്-ഫസ്റ്റ് സ്ട്രാറ്റജി, അജൈൽ ഡെലിവറി, അടുത്ത തലമുറ സെക്യൂരിറ്റി, നെറ്റ്വർക്ക് പ്രാക്ടീസ് എന്നിവയെ എച്ച്സിഎൽ സഹായിക്കും. കൂടാതെ, തടസ്സങ്ങളില്ലാതെ കണക്റ്റുചെയ്ത ഗ്രൂപ്പ്-വൈഡ് ഡിജിറ്റൽ തൊഴിൽ അന്തരീക്ഷം സൃഷ്ടിക്കുന്നതിലൂടെ, ഡിഎസ്എമ്മിന്റെ സുസ്ഥിര ഉൽപ്പന്ന നവീകരണ ശ്രമങ്ങളെയും വളർച്ചാ അഭിലാഷങ്ങളെയും എച്ച്സിഎൽ പിന്തുണയ്ക്കും.
എച്ച്സിഎല്ലിന്റെ Fenix 2.0 ഡിജിറ്റൽ എക്സിക്യൂഷൻ ചട്ടക്കൂട്, ഡിഎസ്എമ്മിന്റെ ബിസിനസ് യൂണിറ്റുകളിലും ഉൽപ്പന്ന ലൈനുകളിലുമുടനീളം മികച്ച സമ്പ്രദായങ്ങൾ നയിക്കുകയും പരിവർത്തനം ത്വരിതപ്പെടുത്തുകയും ചെയ്യും. അതേസമയം, അടുത്ത തലമുറ ഓട്ടോമേഷനും അനലിറ്റിക്സും പ്രയോജനപ്പെടുത്തുന്നതിലൂടെ 50 ലധികം രാജ്യങ്ങളിലെ ഏകദേശം 18,000 അന്തിമ ഉപയോക്താക്കൾക്ക് ഐടി സേവന വിതരണം വർദ്ധിപ്പിക്കാൻ എച്ച്സിഎൽ പദ്ധതിയിടുന്നു.
