മുംബൈ: രാജസ്ഥാനിലെ ഗിലോത്ത് പ്ലാന്റിൽ വാഷിംഗ് മെഷീൻ ഉൽപ്പാദന ശേഷി വർധിപ്പിക്കാൻ പദ്ധതിയിട്ടിട്ടുണ്ടെന്നും, ഇതിനായി 130 കോടി രൂപ നിക്ഷേപിക്കുമെന്നും ഇലക്ട്രിക്കൽ ഗുഡ്സ് ആൻഡ് അപ്ലൈയൻസ് നിർമ്മാതാക്കളായ ഹാവെൽസ് അറിയിച്ചു. ഈ വിപുലീകരണത്തിന് ആന്തരിക ശേഖരണത്തിലൂടെ ധനസഹായം നൽകുമെന്ന് ഒരു റെഗുലേറ്ററി ഫയലിംഗിൽ ഹാവെൽസ് പറഞ്ഞു.
ഗിലോത്ത് പ്ലാന്റിന് ഇതിനകം പ്രതിവർഷം 3 ലക്ഷം യൂണിറ്റുകൾ പുറത്തിറക്കാനുള്ള ശേഷിയുണ്ട്. പ്രതിവർഷം 3.8 ലക്ഷം യൂണിറ്റ് അധിക ശേഷി കൂട്ടിച്ചേർക്കാൻ കമ്പനി പദ്ധതിയിടുന്നു. നിർദിഷ്ട ശേഷി കൂട്ടിച്ചേർക്കൽ 2023 ജൂൺ 30-നകം പൂർത്തിയാകുമെന്ന് കമ്പനി അറിയിച്ചു.
2,02,343 ചതുരശ്ര മീറ്ററിൽ വ്യാപിച്ചുകിടക്കുന്നതാണ് 2018-ൽ സ്ഥാപിതമായ ഹാവെൽസിന്റെ ഗിലോത്ത് പ്ലാന്റ്. ഇവിടെ വാഷിംഗ് മെഷീന് പുറമെ ലോയ്ഡ് എന്ന ബ്രാൻഡിന് കീഴിൽ എയർകണ്ടീഷണറുകളും കമ്പനി നിർമ്മിക്കുന്നു. അതേപോലെ 300 കോടി രൂപ മുതൽമുടക്കിൽ കർണാടകയിലെ തുംകുരുവിൽ കേബിൾ നിർമാണ യൂണിറ്റ് സ്ഥാപിക്കുന്നതായി ഹാവെൽസ് അറിയിച്ചു.
മുഴുവൻ നിക്ഷേപത്തിനുമുള്ള ഫണ്ട് ലഭിക്കുന്നത് ആന്തരിക ശേഖരണത്തിലൂടെയാണെന്നും. തുമകൂരിലെ നിർദ്ദിഷ്ട യൂണിറ്റിലെ ഉൽപ്പാദനം 2024 മാർച്ചോടെ ആരംഭിക്കുമെന്നും പ്രതീക്ഷിക്കുന്നു. ആൽവാറിലെ കമ്പനിയുടെ നിലവിലുള്ള നിർമ്മാണ സൗകര്യത്തിന് പുറമേയാണ് തുമകൂരിലെ കേബിൾ നിർമ്മാണത്തിനായിയുള്ള നിർദ്ദിഷ്ട യൂണിറ്റ്. കഴിഞ്ഞ സാമ്പത്തിക വർഷം ഹാവെൽസിന്റെ വരുമാനം 13,888 കോടി രൂപയായിരുന്നു.
