ഇന്ത്യയുടെ വളര്‍ച്ചാ അനുമാനം നിലനിര്‍ത്തി എസ്ആന്റ്പി റേറ്റിംഗ്‌സ്ജൂണ്‍ പാദ ബാങ്ക്‌ വായ്പാ വളര്‍ച്ച 14 ശതമാനമായി ഉയര്‍ന്നുവീണ്ടും റെക്കോര്‍ഡ് താഴ്ച, ഡോളറിനെതിരെ 81.55 ല്‍ രൂപഉത്സവ സീസണിലെ വൈദ്യുതി ഉത്പാദനം: കല്‍ക്കരി ശേഖരം മതിയായ തോതിലെന്ന് സര്‍ക്കാര്‍വിദേശനാണ്യ കരുതൽ ശേഖരം രണ്ട് വർഷത്തെ ഏറ്റവും താഴ്ന്ന നിലയിൽ

രാജേഷ് കുമാർ ശ്രീവാസ്തവയെ ഒഎൻജിസിയുടെ ഇടക്കാല ചെയർമാനായി നിയമിച്ചു

മുംബൈ: രാജേഷ് കുമാർ ശ്രീവാസ്തവയെ കമ്പനിയുടെ ഇടക്കാല ചെയർമാനായി നിയമിച്ച് സർക്കാർ ഉടമസ്ഥതയിലുള്ള ഓയിൽ ആൻഡ് നാച്ചുറൽ ഗ്യാസ് കോർപ്പറേഷൻ ലിമിറ്റഡ് (ONGC). നിയമനം 2022 സെപ്റ്റംബർ 1-ന് പ്രാബല്യത്തിൽ വന്നതായി കമ്പനി അറിയിച്ചു.

സർക്കാർ ഇതുവരെ മുഴുവൻ സമയ നിയമനം നടത്താത്തതിനാൽ കഴിഞ്ഞ 17 മാസത്തിനിടെ നിയമിതനായ മൂന്നാമത്തെ ഇടക്കാല മേധാവിയാണ് രാജേഷ് കുമാർ ശ്രീവാസ്തവ. ഒഎൻജിസിയുടെ ഡയറക്ടറായ (പര്യവേക്ഷണം) ശ്രീവാസ്തവയെ കമ്പനിയുടെ ചെയർമാനും മാനേജിംഗ് ഡയറക്ടറുമായി അധിക ചുമതല നൽകിയതായി എണ്ണ മന്ത്രാലയം ഉത്തരവിൽ പറഞ്ഞു. 2022 സെപ്റ്റംബർ 1 മുതൽ 2022 ഡിസംബർ 31 വരെയാണ് അദ്ദേഹത്തിന്റെ നിയമന കാലയളവ്.

ഓയിൽ ആൻഡ് നാച്ചുറൽ ഗ്യാസ് കോർപ്പറേഷൻ (ONGC) 2021 ഏപ്രിൽ മുതൽ സ്ഥിരം ചെയർമാനും മാനേജിംഗ് ഡയറക്ടറും ഇല്ലാതെയാണ് പ്രവർത്തിക്കുന്നത്. കഴിഞ്ഞയാഴ്ച, ഭാരത് പെട്രോളിയം കോർപ്പറേഷൻ ലിമിറ്റഡ് ചെയർമാൻ അരുൺ കുമാർ സിംഗ്, എഞ്ചിനീയേഴ്‌സ് ഇന്ത്യ ലിമിറ്റഡ് മേധാവി വർത്തിക ശുക്ല എന്നിവരുൾപ്പെടെ ആറ് സ്ഥാനാർത്ഥികൾ ഒ.എൻ.ജി.സിയുടെ പുതിയ തലവനെ അന്വേഷിക്കുന്ന സെർച്ച് കം സെലക്ഷൻ കമ്മിറ്റിക്ക് മുമ്പാകെ അഭിമുഖത്തിന് ഹാജരായിയിരുന്നു.

കമ്പനിയുടെ ഇടക്കാല ചെയർമാനായിരുന്ന അൽക്ക മിത്തൽ സ്ഥാനമൊഴിഞ്ഞതോടെയാണ് ശ്രീവാസ്തവയ്ക്ക് ചെയർമാനും മാനേജിംഗ് ഡയറക്ടറുമായി അധിക ചുമതല നൽകിയത്. 2022 ഡിസംബർ 31നാണ് ശ്രീവാസ്തവ വിരമിക്കുന്നത്.

X
Top