കൊച്ചി: ചെന്നൈയിലെ വേൽസ് ഇൻസ്റ്റിറ്റ്യൂട്ട് ഓഫ് സയൻസ് ടെക്നോളജി ആൻഡ് അഡ്വാൻസ്ഡ് സ്റ്റഡീസിന്റെ ബിരുദദാന ചടങ്ങിൽ ശ്രീ ഗോകുലം ഗ്രൂപ്പ് ഓഫ് കമ്പനികളുടെ സ്ഥാപകനും ചെയർമാനുമായ ഗോകുലം ഗോപാലന് ഓണററി ഡോക്ടറേറ്റ് കൈമാറി. പല്ലാവരത്തിലുള്ള കോളേജ് കാംപസിൽ നടന്ന ചടങ്ങിൽ മുഖ്യാതിഥിയായ കേന്ദ്ര നിയമകാര്യ മന്ത്രി അർജുൻ റാം മേഘ്വാളാണ് ഗോകുലം ഗോപാലന് ഡോക്ടറേറ്റ് കൈമാറിയത്. വേൽസ് ഇൻസ്റ്റിറ്റ്യൂട്ട് ചാൻസലർ ഐസരി ഗണേഷ് ചടങ്ങിൽ അദ്ധ്യക്ഷനായി. തമിഴ് സിനിമ സംവിധായകനും നിർമാതാവുമായ വെട്രിമാരൻ, മുൻ ഇന്ത്യൻ ക്രിക്കറ്റ് താരം രവിചന്ദ്രൻ അശ്വിൻ എന്നിവർക്കും ഓണററി ഡോക്ടറേറ്റ് നൽകി.
