കൊച്ചി: രാജ്യത്തെ പ്രമുഖ ആഗോള മെഡ്ടെക് കമ്പനികളിലൊന്നായ മെറില് പിഎല്ഐ പദ്ധതിയില് ഉള്പ്പെടുത്തി ആരംഭിച്ച അത്യാധുനിക നിര്മാണകേന്ദ്രം പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു.
മെറില് ആസ്ഥാനത്തു നടന്ന ചടങ്ങില് ഗുജറാത്ത് മുഖ്യമന്ത്രി ഭൂപേന്ദ്രഭായ് പട്ടേല് പങ്കെടുത്തു.
പ്രമുഖ മെഡിക്കല് ഉപകരണ നിര്മാണ കമ്പനിയും കയറ്റുമതിക്കാരുമായ മെറില്, മെഡ്ടെക് രംഗത്ത് ഉയര്ന്ന ഗുണനിലവാരമുള്ള ‘മേക്ക് ഇന് ഇന്ത്യ’ ഉപകരണങ്ങള് നിര്മിക്കുന്നതിലൂടെ വിദേശ ഇറക്കുമതിയെ ആശ്രയിക്കുന്നത് ഗണ്യമായി കുറയ്ക്കുകയും ‘ആത്മനിര്ഭര് ഭാരത്’ എന്ന രാജ്യത്തിന്റെ ലക്ഷ്യത്തിന് പിന്തുണ നല്കുകയും ചെയ്തുവരികയാണ്.
