Alt Image
പിഎം സൂര്യ ഘർ മുഫ്ത് ബിജ്‍ലി യോജന: പുരപ്പുറ സോളർ പദ്ധതിയിൽ അതിവേഗ മുന്നേറ്റവുമായി ഇന്ത്യ ◆ വെള്ളിയുടെ ആഗോള ഡിമാൻഡിൽ 5% ഇടിവിന് സാധ്യത ◆ ഇന്ത്യ-യുഎസ് വ്യാപാര കരാര്‍ അന്തിമഘട്ടത്തില്‍; എതിര്‍ രാജ്യങ്ങളേക്കാള്‍ കുറഞ്ഞ തീരുവ ഇന്ത്യക്ക് യുഎസ് ഉറപ്പുനല്‍കിയെന്ന് റിപ്പോർട്ട് ◆ ഇന്ത്യയുടെ കറന്റ് അക്കൗണ്ട് കമ്മി ഉയരുന്നു ◆ പെട്രോളിയം കരുതൽ ശേഖരം 80 ശതമാനം വർധിപ്പിക്കാൻ ഇന്ത്യ; 8571 കോടിയുടെ വൻ പദ്ധതിയുമായി കേന്ദ്രം ◆

ഈമാസം ഇന്ത്യയിലെത്തിയ വിദേശനിക്ഷേപം ₹2,440 കോടി

കൊച്ചി: സെപ്തംബറിൽ ഇന്ത്യൻ ഓഹരികളിൽ നിന്ന് 7,600 കോടി രൂപയുടെ നിക്ഷേപം പിൻവലിച്ച വിദേശ പോർട്ട്‌ഫോളിയോ നിക്ഷേപകർ (എഫ്പിഐ) ഈമാസം ആദ്യ ആഴ്ചയിൽ 2,440 കോടി രൂപയുടെ നിക്ഷേപവുമായി തിരിച്ചെത്തി.

അതേസമയം ആഭ്യന്തര, അന്താരാഷ്‌ട്രതലങ്ങളിൽ നിന്നുള്ള വെല്ലുവിളികൾ തുടരുന്നതിനാൽ ഇനിയുള്ള ആഴ്ചകളിൽ നിക്ഷേപം പിൻവലിക്കപ്പെടാനും സാദ്ധ്യതയുണ്ടെന്ന് നിരീക്ഷകർ പറയുന്നു.

ജൂലായിൽ 5,000 കോടി രൂപയും ആഗസ്‌റ്റിൽ 51,200 കോടി രൂപയും നിക്ഷേപിച്ചശേഷമാണ് എഫ്പിഐ സെപ്തംബറിൽ 7,600 കോടി രൂപ പിൻവലിച്ചത്. നാണയപ്പെരുപ്പത്തിന് കടിഞ്ഞാണിടാനായി അമേരിക്കൻ കേന്ദ്രബാങ്കായ ഫെഡറൽ റിസർവ് അടിസ്ഥാന പലിശനിരക്ക് വീണ്ടും കുത്തനെ കൂട്ടിയതാണ് വിദേശനിക്ഷേപകരുടെ പിന്മാറ്റത്തിനിടയാക്കിയത്.

2022ൽ ഇതുവരെ ഇന്ത്യൻ ഓഹരികളിൽ നിന്ന് ആകെ പിൻവലിക്കപ്പെട്ട എഫ്പിഐ നിക്ഷേപം 1.68 ലക്ഷം കോടി രൂപയാണ്. ഈമാസത്തെ ആദ്യ ആഴ്ചയിൽ ഇന്ത്യൻ കടപ്പത്രവിപണിയിൽ നിന്ന് 2,950 കോടി രൂപയും എഫ്പിഐ പിൻവലിച്ചിട്ടുണ്ട്.

X
Top