ന്യൂഡല്ഹി: ഫെഡറേഷന് ഓഫ് ഓട്ടോമൊബൈല് ഡീലേഴ്സ് അസോസിയേഷന് (ഫാഡ) പുതിയ കണക്കുകള് പ്രകാരം ഇന്ത്യയിലെ വാഹന റീട്ടെയില് വില്പ്പന മെയ് മാസത്തില് 10 ശതമാനം വാര്ഷിക വളര്ച്ച കൈവരിച്ചു. വിറ്റുപോയതിന്റെ 8 ശതമാനവും ഇലക്ട്രിക് വാഹനങ്ങളാ (ഇവി)ണ്. അതില് തന്നെ ഇരുചക്ര ഇവി വില്പ്പനയില് 7 ശതമാനവും ത്രീ വീലര് ഇവി വില്പ്പനയില് 56 ശതമാനവും വര്ദ്ധനവുണ്ടായി.
മൊത്തം ഇലക്ട്രിക് മേഖലയില് വാണിജ്യ വാഹനങ്ങള് 0.5 ശതമാനവും യാത്രാവാഹനങ്ങള് 2.5 ശതമാനവുമാണ്.
ഇരുചക്ര വാഹനങ്ങള്, മുച്ചക്ര വാഹനങ്ങള്, യാത്രാ വാഹനങ്ങള്, വാണിജ്യ വാഹനങ്ങള് എന്നിവയുടെ വില്പന യഥാക്രമം 9 ശതമാനം, 79 ശതമാനം, 4 ശതമാനം, 7 ശതമാനം എന്നിങ്ങനെയാണ് വര്ധിച്ചത്.
വിവാഹ സീസണ്, ജൂണ് മുതല് പ്രാബല്യത്തില് വന്ന സബ്സിഡികളിലെ മാറ്റങ്ങള്, ഗ്രാമീണ ഡിമാന്ഡ് വീണ്ടെടുക്കല് തുടങ്ങിയ ഘടകങ്ങളാണ് ഇരുചക്ര വാഹന വില്പ്പനയെ അനുകൂലമായി സ്വാധീനിച്ചത്, ഫാഡ പ്രസിഡന്റ് മനീഷ് രാജ് സിംഘാനിയ അറിയിക്കുന്നു.
