മുംബൈ: ക്രെക്സന്റ് സ്പെഷ്യൽ സ്റ്റീൽസ്, ജെഎസ്ഡബ്ല്യു ഇസ്പാത്ത് എന്നിവയെ ജെഎസ്ഡബ്ല്യു സ്റ്റീലിലേക്ക് ലയിപ്പിക്കാനുള്ള നിർദ്ദേശത്തിന് കോംപറ്റീഷൻ കമ്മീഷൻ ഓഫ് ഇന്ത്യയുടെ (സിസിഐ) അംഗീകാരം ലഭിച്ചു. ഒരു ട്വീറ്റിലൂടെയാണ് സിസിഐ ഈ കാര്യം അറിയിച്ചത്. മെയ് മാസത്തിൽ ജെഎസ്ഡബ്ല്യു സ്റ്റീൽ നിർദിഷ്ട ലയന കരാർ പ്രഖ്യാപിച്ചിരുന്നു.
ജെഎസ്ഡബ്ല്യു സ്റ്റീൽ, ജെഎസ്ഡബ്ല്യു ഇസ്പാത്ത് എന്നിവ സ്റ്റീൽ ഉൽപന്നങ്ങളുടെ നിർമ്മാണത്തിലും വിൽപനയിലും പ്രവർത്തിക്കുന്ന കമ്പനികളാണ്, അതേസമയം നിക്ഷേപം കൈവശം വയ്ക്കുന്ന ബിസിനസ്സിലാണ് ക്രെക്സന്റ് സ്പെഷ്യൽ സ്റ്റീൽസ് (സിഎസ്എസ്എൽ) ഏർപ്പെട്ടിരിക്കുന്നത്.
ഒരു നിശ്ചിത പരിധിക്കപ്പുറമുള്ള ഇടപാടുകൾക്ക് റെഗുലേറ്ററിൽ നിന്ന് അംഗീകാരം നേടേണ്ടത് അനിവര്യമാണ്. ഇന്ത്യയിലെ രണ്ടാമത്തെ വലിയ സ്റ്റീൽ നിർമ്മാതാവാണ് ജെഎസ്ഡബ്ല്യു സ്റ്റീൽ ലിമിറ്റഡ്, കമ്പനിയുടെ നിലവിലെ സ്ഥാപിത ശേഷി 18 എംടിപിഎയാണ്.
