ഒറ്റനോട്ടത്തില് മാറ്റമൊന്നുമില്ല. എന്നാല്, സൂക്ഷിച്ചൊന്നു നോക്കിയാല് പഴയ ബിഎംഡബ്ല്യു അല്ല എന്ന് പതിയെ മനസ്സിലാകും. പ്രശസ്തമായ ജർമനിയിലെ മ്യൂണിക് മോട്ടോർ ഷോയില് തങ്ങളുടെ പുതിയ ഇലക്ട്രിക് കാറായ ഐഎക്സ് 3 അവതരിപ്പിച്ചതിനൊപ്പമാണ് വാഹന നിർമാതാക്കളായ ബിഎംഡബ്ല്യു ലോഗോയിലും മാറ്റം വരുത്തിയത്.
ലളിതമായ മാറ്റങ്ങളാണ് പുതിയ ലോഗോയിലുള്ളത്. പഴയ ലോഗോയിലെ നീലയെയും വെള്ളയെയും കറുപ്പില്നിന്ന് വേർതിരിക്കുന്ന ക്രോം വളയം ഒഴിവാക്കി. ലോഗോയിലെ അക്ഷരങ്ങളുടെ വലുപ്പത്തിലും മാറ്റം വരുത്തിയിട്ടുണ്ട്.
ഐഎക്സ് 3 ഉള്പ്പെടെ പുതുനിര വാഹനങ്ങളിലായിരിക്കും കമ്പനി പുതിയ ലോഗോ ആദ്യ ഘട്ടത്തില് ഉപയോഗിക്കുക. പരമ്പരാഗത മോഡലുകളില് നിലവിലുള്ള ലോഗോ തന്നെ തുടരും.
