മുംബൈ: ഗ്രീൻഫീൽഡ് പ്രോജക്റ്റ് പ്ലാന്റിന്റെ ഒന്നാം ഘട്ടം പൂർത്തിയാക്കിയതായി അറിയിച്ച് ബാലാജി അമൈൻസ്. കൂടാതെ പദ്ധതിയുടെ രണ്ടാം ഘട്ടത്തിൽ പുതിയ ശേഷികൾ കൂട്ടിച്ചേർക്കുമെന്ന് കമ്പനി റെഗുലേറ്ററി ഫയലിംഗിൽ അറിയിച്ചു.
പാരിസ്ഥിതിക അനുമതിയും മലിനീകരണ നിയന്ത്രണ ബോർഡിന്റെ അനുമതിയും ലഭിച്ചതോടെ കമ്പനി പുതുതായി സ്ഥാപിച്ച പ്ലാന്റിൽ ഡി-മെഥൈൽ കാർബണേറ്റ് (ഡിഎംസി), പ്രൊപിലീൻ കാർബണേറ്റ് (പിസി), പ്രൊപിലീൻ ഗ്ലൈക്കോൾ (പിജി) എന്നിവയുടെ വാണിജ്യ ഉൽപ്പാദനം 2022 സെപ്റ്റംബർ 26 മുതൽ ആരംഭിച്ചതായി ബാലാജി അമൈൻസ് കൂട്ടിച്ചേർത്തു.
ഈ പ്ലാന്റിന് 15,000 ദശലക്ഷം ടണ്ണിന്റെ വാർഷിക ഉൽപ്പാദന ശേഷി ഉള്ളതായി കമ്പനി അറിയിച്ചു. മീഥൈൽ/എഥൈൽ അമൈനുകൾ, അമിനുകളുടെ ഡെറിവേറ്റീവുകൾ, മറ്റ് പ്രത്യേക രാസവസ്തുക്കൾ എന്നിവയുടെ നിർമ്മാണത്തിൽ വൈദഗ്ദ്ധ്യം നേടിയ ഇന്ത്യയിലെ അലിഫാറ്റിക് അമിനുകളുടെയും പ്രത്യേക രാസവസ്തുക്കളുടെയും മുൻനിര നിർമ്മാതാക്കളാണ് ബാലാജി അമൈൻസ്.
നിലവിൽ ബിഎസ്ഇയിൽ കമ്പനിയുടെ 3.15 ശതമാനം ഇടിഞ്ഞ് 3,433.65 രൂപയിലാണ് വ്യാപാരം നടക്കുന്നത്.
