8 ബില്യണ്‍ ഡോളര്‍ വിപണിയില്‍ നിന്നും വാങ്ങി ആര്‍ബിഐനവംബര്‍ മാസത്തില്‍ രേഖപ്പെടുത്തിയത് റെക്കോര്‍ഡ് വാഹന വില്‍പനവികസിത രാഷ്ട്രങ്ങളുമായി തര്‍ക്കം: ആഭ്യന്തര റെഗുലേറ്റര്‍മാരെ പിന്തുണച്ച് ആര്‍ബിഐ ഗവര്‍ണര്‍ഭക്ഷ്യധാന്യ സബ്സിഡി ബില്ലില്‍ 30 ശതമാനം വര്‍ധന8 മാസം കൊണ്ട് ഒരു ലക്ഷം സംരംഭങ്ങൾ; ചരിത്രം കുറിച്ച് കേരളം

ഷെയർ ബൈബാക്ക് പ്ലാൻ മാറ്റിവയ്ക്കാൻ തീരുമാനിച്ച് ബജാജ് ഓട്ടോ

മുംബൈ: പരിഗണനയ്ക്കായി കൊണ്ടുവന്ന ഷെയർ ബൈബാക്ക് പ്ലാൻ മാറ്റിവയ്ക്കാൻ തീരുമാനിച്ച്‌ ജൂൺ 14 ന് ചേർന്ന ബജാജ് ഓട്ടോയുടെ ബോർഡ് യോഗം. കൂടുതൽ ആലോചനകൾ ആവശ്യമുള്ളതിനാൽ ഇപ്പോൾ നിർദ്ദിഷ്ട പദ്ധതിയുമായി മുന്നോട്ട് പോകാൻ ഉദ്ദേശിക്കുന്നില്ലെന്ന് കമ്പനി ഒരു റെഗുലേറ്ററി ഫയലിംഗിൽ പറഞ്ഞു. ബോർഡിൻറെ ഈ തീരുമാനത്തിന് പിന്നാലെ ബിഎസ്ഇയിൽ ബജാജ് ഓട്ടോയുടെ ഓഹരി വലിയ നഷ്ടത്തോടെ 3,694.05 രൂപയിൽ വ്യാപാരം അവസാനിപ്പിച്ചു. നിലവിൽ കമ്പനിയുടെ ഓഹരി  19 മാസത്തെ ഏറ്റവും താഴ്ന്ന നിലയിലാണ്. ബോർഡ് ഈ ഓഹരി തിരിച്ച് വാങ്ങൽ നിർദ്ദേശത്തിന് അംഗീകാരം നൽകിയിരുന്നെങ്കിൽ, കഴിഞ്ഞ 22 വർഷത്തിനിടെ ബജാജ് ഓട്ടോ നടത്തുന്ന ആദ്യത്തെ ഓഹരി തിരിച്ചുവാങ്ങലായിരിന്നേനെ ഇത്.

ബജാജ് ഓട്ടോ മെയിൽ പ്രതീക്ഷിച്ചതിലും കുറഞ്ഞ വിൽപ്പനയായിരുന്നു റിപ്പോർട്ട് ചെയ്തിരുന്നത്. കമ്പനിയുടെ കയറ്റുമതിയിലെ ദുർബലമായ പ്രകടനമാണ് ഈ വിൽപ്പന പ്രകടനത്തെ നിശബ്ദമാക്കിയത്. അതേസമയം, ബജാജ് ഓട്ടോയുടെ മെയ് മാസത്തെ മൊത്തത്തിലുള്ള കയറ്റുമതി 22 ശതമാനം ഇടിഞ്ഞപ്പോൾ ആഭ്യന്തര വിൽപ്പന 85 ശതമാനം ഉയർന്നിരുന്നു.

X
Top