ബെയിൻ ക്യാപിറ്റൽ പിന്തുണയുള്ള എംക്യൂർ ഫാർമസ്യൂട്ടിക്കൽസ് ഐപിഒ പേപ്പറുകൾ സെബിയിൽ സമർപ്പിച്ചു

പൂനെ : പൂനെ ആസ്ഥാനമായുള്ള എംക്യുർ ഫാർമസ്യൂട്ടിക്കൽസ് പ്രാഥമിക പൊതു ഓഫറിംഗ് വഴിയുള്ള ഫണ്ട് ശേഖരണത്തിനായി , പ്രാഥമിക പേപ്പറുകൾ ക്യാപിറ്റൽ മാർക്കറ്റ് റെഗുലേറ്റർ സെബിയിൽ വീണ്ടും സമർപ്പിച്ചു.

800 കോടി രൂപയുടെ പുതിയ ഓഹരികൾ ഇഷ്യൂ ചെയ്യുന്നതിന്റെയും നിലവിലുള്ള ഓഹരിയുടമകളുടെ 1.37 കോടി ഇക്വിറ്റി ഷെയറുകളുടെ ഓഫർ ഫോർ സെയിൽ (OFS) ന്റെയും മിശ്രിതമാണ് ഐപിഓ.

ഡിസംബർ 16 ന് സമർപ്പിച്ച കരട് പേപ്പറുകൾ പ്രകാരം, സതീഷ് രാമൻലാൽ മേത്തയും സുനിൽ രജനികാന്ത് മേത്തയും ഉൾപ്പെടെയുള്ള പ്രൊമോട്ടർമാരും പ്രൊമോട്ടർ ഗ്രൂപ്പും 49.85 ലക്ഷം ഇക്വിറ്റി ഷെയറുകൾ OFS-ൽ വിൽക്കും, അതേസമയം നിക്ഷേപകരായ ബിസി ഇൻവെസ്റ്റ്‌മെന്റ് 72.34 ലക്ഷം ഇക്വിറ്റി ഓഹരികൾ ഓഫ്‌ലോഡ് ചെയ്യും.അരുൺകുമാർ പുർഷോതംലാൽ ഖന്ന, ബെർജിസ് മിനൂ ദേശായി, സോണാലി സഞ്ജയ് മേത്ത എന്നിവരും ഒഎഫ്‌എസിൽ ഓഹരികൾ വിൽക്കും.

പ്രമോട്ടർമാർക്ക് കമ്പനിയിൽ 82.97 ശതമാനം ഓഹരിയുണ്ട്.ബാക്കിയുള്ള 13.09 ശതമാനം ഷെയർഹോൾഡിംഗ്, ബിസി ഇൻവെസ്റ്റ്‌മെന്റ് IV ഉൾപ്പെടെയുള്ള പൊതു ഓഹരി ഉടമകളുടെ കൈവശമാണ്.

നേരത്തെ, എംക്യൂർ ഫാർമ 2021 ഓഗസ്റ്റിൽ ഐ‌പി‌ഒയ്‌ക്കായി ഡ്രാഫ്റ്റ് പേപ്പറുകൾ ഫയൽ ചെയ്തിരുന്നു, അതിൽ 1,100 കോടി രൂപയുടെ പുതിയ ഇഷ്യൂവും 1.8 കോടി ഇക്വിറ്റി ഷെയറുകളുടെ ഓഎഫ്എസ്സും ഉൾപ്പെടുന്നു.

2021 ഡിസംബറിൽ ഐപിഒ പ്ലാനുകളുമായി മുന്നോട്ട് പോകാൻ കമ്പനിക്ക് സെബിയിൽ നിന്ന് അനുമതി ലഭിച്ചിരുന്നു, എന്നാൽ പ്രസ്തുത ഐപിഒ ലോഞ്ച് ചെയ്യാൻ കഴിഞ്ഞില്ല.

ഇന്ത്യയിലെ 13-ാമത്തെ വലിയ ഫാർമസ്യൂട്ടിക്കൽ കമ്പനി, പൊതു കോർപ്പറേറ്റ് ആവശ്യങ്ങൾക്ക് പുറമെ, പുതിയ ഇഷ്യൂ വരുമാനം പ്രധാനമായും 640 കോടി രൂപയുടെ കടങ്ങൾ തിരിച്ചടയ്ക്കാൻ വിനിയോഗിക്കാൻ ഉദ്ദേശിക്കുന്നു. 2023 സെപ്തംബർ വരെ അതിന്റെ മൊത്തം കടമെടുപ്പ് 2,012.9 കോടി രൂപയാണ്.

ഇന്ത്യ, യൂറോപ്പ്, കാനഡ എന്നിവിടങ്ങളിൽ ശക്തമായ സാന്നിധ്യമുള്ള എംക്യൂർ, ഇൻഡ്യയിലെ ഗൈനക്കോളജി, ഹ്യൂമൻ ഇമ്മ്യൂണോ ഡെഫിഷ്യൻസി വൈറസ് (എച്ച്ഐവി) ആൻറിവൈറൽ ചികിത്സാ മേഖലകളിലെ ഏറ്റവും വലിയ ഫാർമസ്യൂട്ടിക്കൽ കമ്പനിയാണ്.

മിതമായ ബിസിനസ് വളർച്ചയും ദുർബലമായ പ്രവർത്തന സംഖ്യയും കാരണം 2023 മാർച്ചിൽ അവസാനിച്ച വർഷത്തിൽ അറ്റാദായം 20 ശതമാനം കുറഞ്ഞ് 561.8 കോടി രൂപയായി. പ്രവർത്തനങ്ങളിൽ നിന്നുള്ള വരുമാനം 2.2 ശതമാനം വർധിച്ച് 5,986 കോടി രൂപയായി, എന്നാൽ ഇബിഐടിഡിഎ (പലിശ, നികുതി, മൂല്യത്തകർച്ച, അമോർട്ടൈസേഷൻ എന്നിവയ്ക്ക് മുമ്പുള്ള വരുമാനം) 11.2 ശതമാനം ഇടിഞ്ഞ് 1,181.2 കോടി രൂപയായി.

2024 സെപ്റ്റംബറിൽ അവസാനിച്ച ആറ് മാസ കാലയളവിൽ അറ്റാദായം 31.3 ശതമാനം ഉയർന്ന് 286.8 കോടി രൂപയായും വരുമാനം 15.3 ശതമാനം ഉയർന്ന് 3,219.3 കോടി രൂപയായും കഴിഞ്ഞ സാമ്പത്തിക വർഷം ഇതേ കാലയളവിനെ അപേക്ഷിച്ച് വർധിച്ചു.

കൊട്ടക് മഹീന്ദ്ര ക്യാപിറ്റൽ കമ്പനി, ആക്‌സിസ് ക്യാപിറ്റൽ, ജെഫറീസ് ഇന്ത്യ, ജെപി മോർഗൻ ഇന്ത്യ എന്നിവയെ ഇഷ്യുവിലെ മർച്ചന്റ് ബാങ്കർമാരായി നിയമിച്ചിട്ടുണ്ട്.