ന്യൂഡല്‍ഹി: മെഡിക്കല്‍ ഉപകരണ നിര്‍മ്മാതാക്കളായ അപ്രമേയ എഞ്ചിനീയറിംഗ് പ്രാരംഭ പബ്ലിക് ഓഫറിംഗി (ഐപിഒ) നായി സെക്യൂരിറ്റീസ് ആന്റ് എക്‌സ്‌ചേഞ്ച് ബോര്‍ഡി (സെബി) ന് മുന്‍പാകെ ഡ്രാഫ്റ്റ് റെഡ് ഹെറിംഗ് പ്രോസ്‌പെക്ടസ് (ഡിആര്‍എച്ച്പി) സമര്‍പ്പിച്ചു. 50 ലക്ഷം ഓഹരികളുടെ ഫ്രഷ് ഇഷ്യുവാണ് ഐപിഒ. പ്രവര്‍ത്തന മൂലധനമായും പൊതു കോര്‍പറേറ്റ് ആവശ്യങ്ങള്‍ക്കും ഐപിഒ തുക വിനിയോഗിക്കും.
ഉയര്‍ന്ന മൂല്യമുള്ള ഹെല്‍ത്ത് കെയര്‍ ഉപകരണങ്ങളും ഡയഗ്‌നോസ്റ്റിക് ഉപകരണങ്ങളും വിതരണം ചെയ്യുന്നതിനൊപ്പം ടേണ്‍കീ അടിസ്ഥാനത്തില്‍ ഐസിയു, ഓപ്പറേഷന്‍ തിയേറ്റര്‍, പ്രീ ഫാബ്രിക്കേറ്റഡ് സ്ട്രക്ചര്‍ വാര്‍ഡ് എന്നിവയുടെ ഇന്‍സ്റ്റാളേഷന്‍, സജ്ജീകരണം, പരിപാലനം തുടങ്ങിയവയും കമ്പനി നിര്‍വഹിക്കുന്നു.
ഹേം സെക്യൂരിറ്റീസ് ലിമിറ്റഡ് ആണ് ഇഷ്യുവിന്റെ ഏക ബുക്ക് റണ്ണിംഗ് ലീഡ് മാനേജര്‍. ബിഎസ്ഇയിലും എന്‍എസ്ഇയിലും ഓഹരി ലിസ്റ്റ് ചെയ്യപ്പെടും.
