എയർ ഇന്ത്യയും കൂടുതൽ ജീവനക്കാരെ പിരിച്ചുവിടുന്നു. 2022 ജനുവരിയിൽ ടാറ്റ ഏറ്റെടുത്തത് മുതൽ എയർ ഇന്ത്യ എയർലൈൻ്റെ ബിസിനസ് മോഡൽ കാര്യക്ഷമമാക്കാനുള്ള ശ്രമങ്ങൾ ആരംഭിച്ചിരുന്നു.
എന്നാൽ എല്ലാ ജീവനക്കാരെയും ഇപ്പോൾ ഉൾക്കൊള്ളാൻ കഴിയില്ലെന്നാണ് സൂചന. ഇപ്പോൾ വ്യക്തിഗത യോഗ്യതയുടെയും സംഘടനാ ആവശ്യങ്ങളുടെയും അടിസ്ഥാനത്തിലാണ് നോൺ-ഫ്ളൈയിംഗ് വിഭാഗങ്ങളിലെ ജീവനക്കാർക്ക് റോളുകൾ നൽകിയിരിക്കുന്നത്.
കഴിഞ്ഞ 18 മാസമായി എല്ലാ ജീവനക്കാരുടെയും തസ്തികകൾ പരിശോധിച്ചതിന് ശേഷമാണ് എയർ ഇന്ത്യ ഈ തീരുമാനത്തിൽ മാറ്റം വരുത്തുന്നത്. വോളന്റി റിട്ടയർമെൻ്റ് സ്കീമുകളുൾപ്പെടെ കമ്പനി പ്രഖ്യാപിച്ചിട്ടുണ്ട്.
പുതിയ അവസരങ്ങൾ പ്രയോജനപ്പെടുത്താൻ കഴിയാത്ത ജീവനക്കാരുടെ ഒരു ശതമാനം പേരെയാണ് ഒഴിവാക്കുന്നത്. എല്ലാ കരാർ ബാധ്യതകളും നടപ്പാക്കിക്കൊണ്ടായിരിക്കും ജീവനക്കാരെ ഒഴിവാക്കുന്നത്. പിരിച്ചുവിട്ട ജീവനക്കാരുടെ എണ്ണം 180 ൽ താഴെയാണെന്ന് പിടിഐ വ്യക്തമാക്കുന്നു.
ടാറ്റ ഗ്രൂപ്പ് എയർലൈൻ ഏറ്റെടുത്തതിന് ശേഷം രണ്ട് റൗണ്ടുകളിലായി ജീവനക്കാർക്ക് വിആർഎസ് വാഗ്ദാനം ചെയ്തിരുന്നു. ഫെബ്രുവരിയിൽ എയർ ഇന്ത്യയുടെ വിപണി വിഹിതം 12.2 ശതമാനത്തിൽ നിന്ന് 12.8 ശതമാനമായി ഉയർന്നു.
സൈപൈസ്ജെറ്റ് ഒഴിവാക്കിയത് 15 ശതമാനം പേരെ
കഴിഞ്ഞ മാസം സ്പൈസ് ജറ്റും ചെലവുചുരുക്കലിൻെറ ഭാഗമായി കൂട്ടത്തോടെ ജീവനക്കാരെ ഒഴിവാക്കിയിരുന്നു. 1400 ജീവനക്കാരെയാണ് ഒഴിവാക്കിയത്. മൊത്തം തൊഴിലാളികളുടെ 15 ശതമാനം പേരെയാണ് സ്പൈസ് ജെറ്റ് ഒഴിവാക്കിയ 9,000 ജീവനക്കാരുള്ള എയർലൈനിൽ 30 വിമാനങ്ങൾ മാത്രമാണ് സർവീസ് നടത്തുന്നത്.
പ്രതിമാസം 60 കോടി രൂപയുടെ ശമ്പള ബിൽ കുറയ്ക്കുകയാണ് കമ്പനിയുടെ ലക്ഷ്യം. എയർലൈനുകളുടെ നഷ്ടം കുറക്കുന്നതിൻെറയും ചെലവുചുരുക്കലിൻെറയും ഭാഗമായി കൂടുതൽ പിരിച്ചുവിടലുകൾ ഉണ്ടായേക്കും എന്ന സൂചനയുണ്ട്.
പിടിമുറുക്കാൻ ഇടയുള്ള സാമ്പത്തിക മാന്ദ്യം എയർലൈൻ വ്യവസായ രംഗത്തെയും ബാധിച്ചേക്കാം. ഉയരുന്ന ഇന്ധനച്ചെലവാണ് എയർലൈനുകളുടെ മറ്റൊരു പ്രതിസന്ധി.
സാമ്പത്തിക പ്രതിസന്ധി കടുക്കുമ്പോൾ ചെലവുചുരുക്കലിൻെറ ഭാഗമായി എയർലൈനുകൾ ജീവനക്കാരെ പിരിച്ചുവിടുന്നതിന് ഒരു കാരണവും ഇതുതന്നെയാണ്.
