കേന്ദ്ര ബജറ്റ് 2024: പുതിയ നികുതി ഘടന ആകർഷകമായേക്കുംഇത്തവണയും അവതരിപ്പിക്കുന്നത് റെയിൽവേ ബജറ്റും കൂടി ഉൾപ്പെടുന്ന കേന്ദ്ര ബജറ്റ്ടെലികോം മേഖലയുടെ സമഗ്ര പുരോഗതി: വിവിധ കമ്പനികളുമായി ചർച്ച നടത്തി ജ്യോതിരാദിത്യ സിന്ധ്യഇന്ത്യൻ സമ്പദ്‍വ്യവസ്ഥയുടെ കുതിപ്പ് പ്രവചിച്ച് രാജ്യാന്തര ഏജൻസികൾസംസ്ഥാനത്തെ എല്ലാ പമ്പുകളിലും 15% എഥനോൾ ചേർത്ത പെട്രോൾ

ദക്ഷിണേഷ്യയിലെ ഏറ്റവും വലിയ പൈലറ്റ് പരിശീലന കേന്ദ്രവുമായി എയ‍ർ ഇന്ത്യ

യർ ഇന്ത്യയുടെ ഏറ്റവും വലിയ പൈലറ്റ് പരിശീലന കേന്ദ്രം സ്ഥാപിക്കുന്നതോടെ തൊഴിൽ ലഭിക്കുന്നത് 100 കണക്കിന് പേർക്ക്. 200 കോടി രൂപയിലധികം നിക്ഷേപത്തിലാണ് മഹാരാഷ്ട്രയിലെ അമരാവതി ജില്ലയിൽ ഫ്ലൈറ്റ് പരിശീലന കേന്ദ്രം എത്തുന്നത്. 200 കോടി രൂപയിലധികം തുകയാണ് നിക്ഷേപിക്കുക.

അടുത്ത സാമ്പത്തിക വർഷത്തിൻ്റെ ആദ്യ പാദത്തിൽ തന്നെ പുതിയ പരിശീലന കേന്ദ്രം തുറക്കും എന്നാണ് റിപ്പോ‍ർട്ടുകൾ. കഴിഞ്ഞ വർഷം 470 എയർബസ്, ബോയിംഗ് വിമാനങ്ങൾക്കായി എയർ ഇന്ത്യ കരാർ നൽകിയിരുന്നു.

എയർലൈൻ്റ വിപുലീകരണ പദ്ധതികൾക്കായി ഓരോ വർഷവും 500 മുതൽ 700 പൈലറ്റുമാരെ വരെ വേണ്ടിവരും എന്നാണ് കണക്കാക്കുന്നത്.

ഇത്തരമൊരു പരിശീലന കേന്ദ്രം ഇന്ത്യയിൽ സ്ഥാപിക്കുന്ന ആദ്യത്തെ എയർലൈൻ ആണ് എയർ ഇന്ത്യ.

മഹാരാഷ്ട്ര എയർപോർട്ട് ഡെവലപ്‌മെൻ്റ് കമ്പനിയുമായി ചേർന്നാണ് പരിശീലന കേന്ദ്രം ഒരുങ്ങുന്നത്. മുപ്പത് വർഷത്തെ പാട്ടത്തിന് അമരാവതിയിൽ 10 ഏക്കർ പ്ലോട്ട് എയർ ഇന്ത്യ പാട്ടത്തിനെടുത്തിട്ടുണ്ട്.

31 സിംഗിൾ എഞ്ചിൻ പൈപ്പറും മൂന്ന് ഇരട്ട എഞ്ചിൻ ഡയമണ്ട് എയർക്രാഫ്റ്റുകളും പരിശീലന കേന്ദ്രത്തിൽ ഉണ്ടായിരിക്കും. 180 കൊമേഴ്സ്യൽ പൈലറ്റുമാർക്ക് പ്രതിവർഷം പരിശീലനം നൽകുമെന്നാണ് സൂചന.

കഴിഞ്ഞവർഷം ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ 1,600-ലധികം വാണിജ്യ പൈലറ്റ് ലൈസൻസുകൾ നൽകിയിരുന്നു. കഴിഞ്ഞ ഒരു ദശകത്തിൽ ഏറ്റവും ഉയർന്ന എണ്ണമാണിത്.

വിദേശത്ത് പരിശീലനം നേടിയ പൈലറ്റുമാരുടെ ലൈസൻസ് പുതുക്കിയതും ഇതിൽ ഉൾപ്പെടുന്നു. ഇന്ത്യയിൽ 34-ലധികം അംഗീകൃത പരിശീലന സ്കൂളുകൾ ആണ് ഇപ്പോൾ ഉള്ളത്. എന്നാൽ ഏകദേശം 40 ശതമാനം പൈലറ്റുമാരും വിദേശത്ത് വാണിജ്യ പൈലറ്റ് ലൈസൻസ് പരിശീലനം പൂർത്തിയാക്കുന്നവരാണ്.

ഒരുങ്ങുന്നത് സ്വപ്ന പദ്ധതി
ഇന്ത്യൻ വ്യോമയാന മേഖലയെ കൂടുതൽ സ്വാശ്രയമാക്കുന്നതായിരിക്കും ട്രെയ്നിംഗ് സ്കൂൾ. പൈലറ്റുമാരാകുക എന്ന ഇന്ത്യയിലെ യുവാക്കളുടെ സ്വപ്നം നിറവേറ്റുന്നതിനുള്ള ചുവടുവയ്പാണ് ഇതെന്ന് എയർ ഇന്ത്യയുടെ എംഡിയും സിഇഒയുമായ കാംബെൽ വിൽസൺ പറഞ്ഞു.

എയർ ഇന്ത്യയ്ക്ക് ഇപ്പോൾ ഏകദേശം 140 വിമാനങ്ങളുണ്ട്. കഴിഞ്ഞ രണ്ട് വർഷത്തിനിടെ ആയിരത്തിലധികം പൈലറ്റുമാരെ കമ്പനി നിയമിച്ചിട്ടുണ്ട്.

ഇതോടൊപ്പം റൺവേയുടെ വിസ്തൃതി 1,372 മീറ്ററിൽ നിന്ന് 1,850 മീറ്ററായി എയർ ഇന്ത്യ ഉയർത്തിയിരുന്നു. എല്ലാ ആധുനിക നാവിഗേഷൻ സൗകര്യങ്ങളും റൺവേകളിൽ ഒരുക്കിയിട്ടുണ്ട്. രാത്രിയിലെ ലാൻഡിംഗ് സൗകര്യവും അമരാവതിയിൽ ഒരുക്കും. മികച്ച ഫ്ലൈയിംഗ് സ്കൂൾ എത്തുന്നത് പൈലറ്റുമാർക്കും ഗുണമാകും.

ലോകത്തിലെ ഏറ്റവും വേഗത്തിൽ വളരുന്ന വ്യോമയാന വിപണികളിലൊന്നാണ് ഇന്ത്യ. എന്നാൽ ഇന്ത്യയിലെ വ്യോമയാന മേഖലയിൽ മികച്ച അടിസ്ഥാന സൗകര്യങ്ങൾ ഒരുക്കുക എന്നതും പ്രധാനമാണ്.

ഇതിന് ടാറ്റക്ക് കൂടുതൽ നിക്ഷേപം നടത്താനാകും. ആത്മനിർഭർ ഭാരത് എന്ന സർക്കാരിൻ്റെ വിഷന് പിന്തുണ നൽകുന്നതാണ് സംരംഭം.

X
Top