കൊച്ചി: മികച്ച തൊഴില്‍ അന്തരീക്ഷമുള്ള ഇന്ത്യൻ കമ്പനികളുടെ പട്ടികയില്‍ ആർ.പി.ജി ഗ്രൂപ്പിലെ ഹാരിസണ്‍ മലയാളം ലിമിറ്റഡ്(എച്ച്‌.എം.എല്‍) മികച്ച നേട്ടമുണ്ടാക്കി.
ഗ്രേറ്റ് പ്ലേസ് ടു വർക്ക് ഇൻസ്റ്റിറ്റ്യൂട്ട് തയ്യാറാക്കിയ മികച്ച തൊഴില്‍ സാഹചര്യമുള്ള 25 പ്രധാന കമ്പനികളുടെ നടപ്പുവർഷത്തെ പട്ടികയില്‍ 21-ാം സ്ഥാനമാണ് എച്ച്‌.എം.എല്‍ നേടിയത്.
ഗ്രേറ്റ് പ്ലേസ് ടു വർക്ക് ഇൻസ്റ്റിറ്റ്യൂട്ടിന്റെ ടോപ്പ്-25 പട്ടികയില്‍ തുടർച്ചയായി ഇടം നേടുന്ന കേരളം ആസ്ഥാനമായുള്ള ആദ്യ കമ്പനിയാണ് എച്ച്‌.എം.എല്‍.
ആർ.പി.ജി ഗ്രൂപ്പും എച്ച്‌.എം.എല്ലും പിന്തുടരുന്ന ‘എംപ്ലോയി ഹാപ്പിനെസ്സ്’ സമീപനത്തിനുള്ള അംഗീകാരമാണ് ടോപ്പ് 25 പട്ടികയിലെ മികച്ച സ്ഥാനമെന്ന് കമ്പനിയുടെ ഫുള്‍ടൈം ഡയറക്‌ടർ ചെറിയാൻ എം. ജോർജ് പറഞ്ഞു.
