മുംബൈ: എഡല്‍വീസ് അസറ്റ് മാനേജ്‌മെന്റ് ലിമിറ്റഡിന്റെ 15 ശതമാനം ഓഹരികള്‍ വാങ്ങാന്‍ വെസ്റ്റ്ബ്രിഡ്ജ് കാപിറ്റലുമായി കമ്പനി ധാരണയിലെത്തി. 450 കോടി രൂപയുടേതാണ് ഇടപാട്. എഡല്‍വീസ് സര്‍വീസസ് ലിമിറ്റഡിന്റെ(ഇഎഫ്എസ്എല്‍) മ്യൂച്വല്‍ ഫണ്ട് വിഭാഗമാണ് എഡല്‍വീസ് അസറ്റ് മാനേജ്‌മെന്റ് ലിമിറ്റഡ്.
എഡല്‍വീസ് മ്യൂച്വല്‍ ഫണ്ടിന്റെ നിലവിലെ ഇക്വിറ്റി ആസ്തി(എയുഎം) 72600 കോടി രൂപയുടേതാണ്. കഴിഞ്ഞ 5 വര്‍ഷത്തെ വളര്‍ച്ച 53 ശതമാനം. 2025 സാമ്പത്തികവര്‍ഷത്തില്‍ കമ്പനി 53 കോടി രൂപ ലാഭം നേടി.
കമ്പനിയുടെ മൊത്തം ആസ്തി അഞ്ച് വര്‍ഷത്തില്‍ 44 ശതമാനമുയര്‍ന്ന് 152200 കോടി രൂപയായി. 2026 സാമ്പത്തികവര്‍ഷത്തിന്റെ ആദ്യപാദത്തില്‍ കമ്പനി രേഖപ്പെടുത്തിയ അറ്റാദായം 28 കോടി രൂപയാണ്. ഇന്ത്യയില്‍ അധികവേഗം വളരുന്ന മ്യൂച്വല്‍ ഫണ്ടുകളില്‍ ഒന്നുകൂടിയാണ് എഡില്‍വേസ് എംഎഫ്.
പത്ത് വര്‍ഷത്തില്‍ 23 സ്ഥാനം മെച്ചപ്പെടുത്തിയ കമ്പനി നിലവില്‍ 13ാം സ്ഥാനത്താണുള്ളത്.
