ന്യൂഡൽഹി: കമ്പനിയുടെ ബോർഡ് അംഗീകരിച്ച വാറന്റുകളുടെ മുൻഗണനാ ഇഷ്യൂ വഴി വോഡഫോൺ ഐഡിയയുടെ പ്രമോട്ടറായ യുകെയിലെ വോഡഫോൺ ഗ്രൂപ്പ് കമ്പനിയിലേക്ക് 436 കോടി രൂപ നിക്ഷേപിക്കുമെന്ന് ടെലികോം ഓപ്പറേറ്റർ കഴിഞ്ഞ ദിവസം അറിയിച്ചു. വോഡഫോൺ ഐഡിയയുടെ ഡയറക്ടർ ബോർഡ് 2022 ജൂലൈ 22 ന് നടന്ന യോഗത്തിൽ യൂറോ പസഫിക് സെക്യൂരിറ്റീസിന് 10.20 രൂപയുടെ ഇഷ്യു വിലയിൽ 42,76,56,421 വാറന്റുകൾ ഇഷ്യൂ ചെയ്യുന്നതിന് അംഗീകാരം നൽകിയിരുന്നു.
കൂടാതെ, ഈ വർഷം ഓഗസ്റ്റ് 18 ന് മൂന്ന് വർഷത്തെ കാലാവധി പൂർത്തിയാകുമ്പോൾ നിലവിലെ എംഡിയും സിഇഒയുമായ രവീന്ദർ തക്കറിന്റെ സ്ഥാനം മാറുമെന്നും, അതിനാൽ നിലവിൽ സിഎഫ്ഒ ആയ അക്ഷയ മൂന്ദ്രയെ ഓഗസ്റ്റ് 19 മുതൽ 3 വർഷത്തേക്ക് സിഇഒ ആയി നിയമിക്കാൻ ബോർഡ് അംഗീകാരം നൽകിയതായും കമ്പനി അറിയിച്ചു.
