ഗള്‍ഫ് ഉല്‍പന്നങ്ങള്‍ക്ക് ഇനി ഏകീകൃത ആഗോള ബ്രാന്‍ഡ്. ഇതിനായി ജിസിസി രാജ്യങ്ങള്‍ തയ്യാറെടുക്കുന്നു. ഇതിന്റെ ഭാഗമായി ‘മെയ്ഡ് ഇന്‍ ജിസിസി 2026’ ഫോറത്തിനും പ്രദര്‍ശനത്തിനും ബഹ്‌റിന്‍ ആതിഥേയത്വം വഹിക്കും. ഒക്ടോബര്‍ 6 മുതല്‍ 8 വരെ ബഹ്‌റിനിലെ എക്‌സിബിഷന്‍ വേള്‍ഡ് ബഹ്‌റിനിലായിരിക്കും ആദ്യ പതിപ്പ് നടക്കുക. ഗള്‍ഫ് രാജ്യങ്ങളുടെ വ്യവസായ സഹകരണവും ഉല്‍പാദന ശേഷിയും ആഗോള തലത്തില്‍ ഉയര്‍ത്തുകയാണ് ലക്ഷ്യം.
വ്യവസായ നയങ്ങള്‍, സ്മാര്‍ട്ട് ഫാക്ടറികള്‍, ഹരിത നിര്‍മാണം, വിതരണ ശൃംഖല, ആഗോള വിപണി പ്രവേശനം, നിക്ഷേപ സാധ്യതകള്‍ തുടങ്ങിയ വിഷയങ്ങളില്‍ ചര്‍ച്ചകള്‍ നടക്കും. ഗള്‍ഫ് രാജ്യങ്ങളില്‍ നിര്‍മിക്കുന്ന ഉല്‍പന്നങ്ങളും നൂതന സാങ്കേതികവിദ്യകളും പ്രദര്‍ശനത്തില്‍ അവതരിപ്പിക്കും. ജിസിസി രാജ്യങ്ങളിലെ മന്ത്രിമാര്‍, വ്യവസായ പ്രമുഖര്‍, നിക്ഷേപകര്‍, സാങ്കേതിക വിദഗ്ധര്‍ എന്നിവര്‍ പങ്കെടുക്കുന്ന പരിപാടി വ്യവസായ പങ്കാളിത്തത്തിനും പുതിയ നിക്ഷേപങ്ങള്‍ക്കും വേദിയാകുമെന്നു സംഘാടകര്‍ അറിയിച്ചു.
ബഹ്‌റൈൻ രാജാവ് ഹമദ് ബിൻ ഈസ അൽ ഖലീഫയുടെ രക്ഷാകർതൃത്വത്തിലാണ് ഇവൻ്റ് നടക്കുന്നത്. ഗൾഫ് രാജ്യങ്ങൾക്കിടയിലെ സഹകരണവും സംയോജനവും വർദ്ധിപ്പിക്കുന്നതിനായി രൂപകൽപ്പന ചെയ്‌തിരിക്കുന്ന മേഖലയിലെ ഏറ്റവും വലിയ വ്യാവസായിക പരിപാടിയാണിതെന്ന് സംഘാടകർ പറയുന്നു.
സാമ്പത്തിക, വ്യാവസായിക ബന്ധങ്ങൾ കൂടുതൽ ആഴത്തിലാക്കാനും, വികസനം പ്രോത്സാഹിപ്പിക്കും. അറിവ് പങ്കിടുന്നതിനും, വ്യാവസായിക, നിക്ഷേ ബന്ധങ്ങൾ രൂപപ്പെടുത്തുന്നതിനും,
അത്യാധുനിക സാങ്കേതികവിദ്യകളുടെ സ്വീകാര്യത വേഗത്തിലാക്കുന്നതിനും, മേഖലയുടെ വ്യാവസായിക ശക്തികൾ എടുത്തുകാണിക്കുന്നതിനുമുള്ള വേദിയായി കൂട്ടായ്മ മാറും.
