കൊച്ചി: യൂക്കോ ബാങ്ക് 2026-27 സാമ്പത്തികവര്‍ഷത്തിന്‍റെ ഏപ്രില്‍-ജൂണ്‍ ആദ്യ പാദത്തില്‍ കഴിഞ്ഞ വര്‍ഷത്തെ 607 കോടി രൂപയായിരുന്ന അറ്റാദായം ഈ വർഷം 656 കോടി രൂപയായി വര്‍ധിപ്പിച്ചു.
റീട്ടെയില്‍, കൃഷി, എംഎസ്എംഇ വായ് എന്നിവയിലെ ശക്തമായ വികസനമാണ് ഇതിനു കാരണം.
ബാങ്കിന്‍റെ മൊത്തം ബിസിനസ് വര്‍ഷം തോറും 15.53 ശതമാനം വളര്‍ച്ചയോടെ 6,05,083 കോടി രൂപയായി.
മൊത്തം വായ്പകള്‍ 21.18 ശതമാനം വര്‍ധിച്ച് 2,72,768 കോടി രൂപയും മൊത്ത നിക്ഷേപങ്ങള്‍ 11.28 ശതമാനം വര്‍ധിച്ച് 3,32,315 കോടിയുമായി.
ഭവനവായ്പകളും വാഹനവായ്പകളും യഥാക്രമം 19.98 ശതമാനവും 65.45 ശതമാനവും വളര്‍ച്ച നേടിയതായി മാനേജിംഗ് ഡയറക്ടറും ചീഫ് എക്‌സിക്യൂട്ടീവ് ഓഫീസറുമായ രാജേന്ദ്ര കുമാര്‍ സാബു പറഞ്ഞു.
