കേന്ദ്ര ബജറ്റ് 2024: പുതിയ നികുതി ഘടന ആകർഷകമായേക്കുംഇത്തവണയും അവതരിപ്പിക്കുന്നത് റെയിൽവേ ബജറ്റും കൂടി ഉൾപ്പെടുന്ന കേന്ദ്ര ബജറ്റ്ടെലികോം മേഖലയുടെ സമഗ്ര പുരോഗതി: വിവിധ കമ്പനികളുമായി ചർച്ച നടത്തി ജ്യോതിരാദിത്യ സിന്ധ്യഇന്ത്യൻ സമ്പദ്‍വ്യവസ്ഥയുടെ കുതിപ്പ് പ്രവചിച്ച് രാജ്യാന്തര ഏജൻസികൾസംസ്ഥാനത്തെ എല്ലാ പമ്പുകളിലും 15% എഥനോൾ ചേർത്ത പെട്രോൾ

ഫെബ്രുവരി മുതൽ മാറ്റം വരുന്ന 6 സാമ്പത്തിക കാര്യങ്ങൾ

2024 കലണ്ടർ വർഷത്തിന്റെ രണ്ടാം മാസത്തേക്ക് ഏവരും കടക്കാനൊരുങ്ങുകയാണ്. ഒരു സാമ്പത്തിക വർഷത്തിന്റെ അവസാന ഘട്ടമെന്ന നിലയിലും ഫെബ്രുവരി മാസം നിർണായകമാണ്. അടുത്ത മാസം മുതൽ രാജ്യത്തെ സാമ്പത്തിക മേഖലയിൽ വരുന്ന പ്രധാനപ്പെട്ട ആറ് മാറ്റങ്ങൾ ചുവടെ ചേർക്കുന്നു.

എൻപിഎസ്: ഭാഗിക പിൻവലിക്കൽ
ജനുവരി 12ന് പിഎഫ്ആർഡിഎ പുറത്തിറക്കിയ ഉത്തരവു പ്രകാരം എൻപിഎസ് (നാഷണൽ പെൻഷൻ സ്കീം) അക്കൗണ്ടിലുള്ള പെൻഷൻ, ചില നിബന്ധനകൾക്ക് വിധേയമായി, ഫെബ്രുവരി ഒന്ന് മുതൽ ഭാഗികമായി പിൻവലിക്കാൻ അനുവദിക്കും. തൊഴിലുടമയുടെ വിഹിതം ഒഴികെ, പെൻഷൻ അക്കൗണ്ടിലുള്ള സഞ്ചിത തുകയുടെ 25 ശതമാനം വരെയാണ് പിൻവലിക്കാൻ അനുവദിക്കുക.

കുട്ടികളുടെ ഉന്നത വിദ്യാഭ്യാസ ചെലവ്, കുട്ടികളുടെ വിവാഹ ചെലവ്, വീട് വാങ്ങുന്നതിനും നിർമാണ ചെലവിനും, ഗുരുതര രോഗങ്ങളുടെ മെ‍ഡിക്കൽ ചികിത്സ ചെലവുകൾ, നൈപുണ്യ വികസനത്തിനുള്ള ചെലവ്, പുതിയ സംരംഭം (സ്റ്റാർട്ടപ്പ്) തുടങ്ങുക എന്നിവയ്ക്കു വേണ്ടിയും എൻപിഎസ് നിക്ഷേപം ഭാഗികമായി പിൻവലിക്കാൻ അനുവദിക്കും.

ഐഎംപിഎസ് നിയമം
തത്സമയ ഡിജിറ്റൽ പണമിടപാട് സംവിധാനമായ ഐഎംപിഎസ് (ഇമ്മീഡിയറ്റ് പേയ്മെന്റ് സർവീസ്) ഫെബ്രുവരി ഒന്ന് മുതൽ കൈമാറ്റത്തിനുള്ള പരിധി ഉയർത്തും. ബാങ്ക് അക്കൗണ്ട് പേരും മൊബൈൽ നമ്പറും ഉപയോഗപ്പെടുത്തി, തത്ക്ഷണം പണം കൈമാറുന്നതിനുള്ള പരിധി അ‍ഞ്ച് ലക്ഷം രൂപയായാണ് ഉയർത്തുന്നത്. ഇതു സംബന്ധിച്ച് ആവശ്യമായ മാറ്റങ്ങൾ ജനുവരി 31ഓടെ പൂർത്തിയാക്കണമെന്നും ബാങ്കുകൾക്ക് നിർദേശം നൽകിയിരുന്നു.

എസ്ബിഐ ഹോം ലോൺ ഓഫർ
രാജ്യത്തെ ഏറ്റവും വലിയ വാണിജ്യ ബാങ്കിങ് സ്ഥാപനമായ എസ്ബിഐ, ഭവന വായ്പകൾക്ക് അനുവദിച്ചിരുന്ന പ്രത്യേക ഓഫർ കാലാവധി ജനുവരി 31ന് അവസാനിക്കും. നിലവിലുണ്ടായിരുന്ന പലിശയേക്കാൾ 0.65 ശതമാനം വരെ താഴ്ന്ന നിരക്കിൽ ഭവന വായ്പ അനുവദിക്കുന്നതിന്റെ കാലാവധിയാണ് തീരുന്നത്. ഫ്ലെക്സിപേ, എൻആർഐ, നോൺ-സാലറീഡ്, പ്രീവിലേജ്, അപുൻ ഘർ എന്നിങ്ങനെ എല്ലാ വിഭാഗത്തിലും ആനുകൂല്യം ബാധകമാണ്.

പഞ്ചാബ് സിന്ധ് ബാങ്ക് എഫ്ഡി
പ്രമുഖ പൊതുമേഖല ബാങ്കിങ് സ്ഥാപനങ്ങളിലൊന്നായ പഞ്ചാബ് സിന്ധ് ബാങ്കിന്റെ സ്പെഷ്യൽ എഫ്ഡി നിക്ഷേപ പദ്ധതി ജനുവരി 31ന് അവസാനിക്കും. ‘ധൻ ലക്ഷ്മി 444 ദിവസം‘ എന്ന പേരിലുള്ള പ്രത്യേക സ്ഥിരനിക്ഷേപ പദ്ധതിയിൽ 8.05 ശതമാനം നിരക്കിലായിരുന്നു പലിശ വാഗ്ദാനം ചെയ്യുന്നത്. 444 ദിവസത്തേക്കുള്ള സ്ഥിരനിക്ഷേപമാണിത്.

ഫാസ്ടാഗ് ഇ-കെവൈസി
ദേശീയപാത അതോറിറ്റിയുടെ ‘ഒരു വാഹനത്തിന് ഒരു ഫാസ്ടാഗ്‘ എന്ന നിർദേശത്തിന്റെ അടിസ്ഥാനത്തിൽ, ഫെബ്രുവരി ഒന്നു മുതൽ ഒരു വാഹനത്തിന് ഒരു ഫാസ്ടാഗ് സ്‌റ്റിക്കർ മാത്രമേ അനുവദിക്കുകയുള്ളു.

അതായത്, ആക്ടീവായ ഒരു ഫാസ്ടാഗ് മാത്രമേ അനുവദിക്കുകയുള്ളു എന്ന് സാരം. കൂടാതെ, കെവൈസി വെരിഫിക്കേഷൻ പൂർത്തിയാക്കാത്ത ഫാസ്‌ടാഗുകൾ, ബാലൻസ് തുക ഉണ്ടെങ്കിൽപോലും ജനുവരി 31 കഴിഞ്ഞാൽ പ്രവർത്തനരഹിതമാകുമെന്നും കേന്ദ്ര സർക്കാർ വ്യക്തമാക്കിയിട്ടുണ്ട്.

ഒരു വാഹനത്തിൽ ഒന്നിലേറെ ഫാസ്‌ടാഗുകൾ ഒട്ടിക്കുന്നതു കാരണം, രണ്ട് തവണ ടോൾ പിരിക്കുന്നതിനും പിന്നാലെ ആശയക്കുഴപ്പങ്ങൾക്കും ഇടയാക്കുന്നക്കുന്നുണ്ട്. ഒന്നിലധികം ഫാസ്‌ടാഗുകൾ വാഹനത്തിൽ പതിച്ചിട്ടുള്ളവർ, ഒരെണ്ണം ഒഴികെ ബാക്കിയുള്ളവ ഡീആക്ടീവേറ്റ് ചെയ്യാൻ ടോൾ ബൂത്തുകളുമായോ ബാങ്കുമായോ ബന്ധപ്പെടാവുന്നതാണ്.

സോവറിൻ ഗോൾഡ് ബോണ്ട്
നടപ്പ് സാമ്പത്തിക വർഷത്തേക്ക് നിശ്ചയിച്ചിട്ടുള്ള സോവറിൻ ഗോൾഡ് ബോണ്ടിന്റെ (എസ്ജിബി) അവസാന പതിപ്പ് ഫെബ്രുവരി മാസത്തിലുണ്ടാകും. റിസ‌ർവ് ബാങ്ക് ഇഷ്യൂ ചെയ്യുന്ന എസ്ജിബിക്ക് വേണ്ടി, 2024 ഫെബ്രുവരി 12 മുതൽ 16 വരെയുള്ള കാലയളവിൽ അപേക്ഷ സമർപ്പിക്കാം.

24 കാരറ്റ് സ്വർണത്തിന്റെ ഒരു ഗ്രാം വീതമുള്ള യൂണിറ്റുകളായി നിക്ഷേപകർക്ക് എസ്ജിബി വാങ്ങാവുന്നതാണ്.

X
Top