ന്യൂഡല്ഹി: ടോഫല് ഐബിടി ടെസ്റ്റ് ദൈര്ഘ്യം രണ്ടുമണിക്കൂറായി കുറയ്ക്കാന് എഡ്യുക്കേഷന് ടെസ്റ്റിംഗ് സര്വീസസ് (ഇടിഎസ്) തീരുമാനിച്ചു. നിലവില് 3 മണിക്കൂറാണ് പരീക്ഷ പൂര്ത്തിയാകാനെടുക്കുന്നത്. മാറ്റം ഈ വര്ഷം ജൂലൈ 26 മുതല് നടപ്പിലാകും.
പരീക്ഷ കഴിഞ്ഞയുടന് സ്ക്കോര് അറിയിക്കാനുള്ള തത്സമയ സജ്ജീകരണവും ഏര്പ്പെടുത്തിയിട്ടുണ്ട്. അപേക്ഷിക്കേണ്ട വിധം എളുപ്പത്തിലും വേഗത്തിലുമാക്കാനും തീരുമാനമായി. അക്കൗണ്ട് സൃഷ്ടിക്കലും രജിസ്ട്രേഷനും ആയാസരഹിതമാക്കും.
160-ലധികം രാജ്യങ്ങളിലെ 11,500-ലധികം സര്വ്വകലാശാലകളും സ്ഥാപനങ്ങളും അംഗീകരിച്ചിട്ടുള്ള ടോഫല് ഐബിടി, ഇംഗ്ലീഷ് പരിജ്ഞാനം അളക്കുന്ന പ്രീമിയര് ടെസ്റ്റാണ്.
പഠനം, ജോലി, കുടിയേറ്റം എന്നിവയ്ക്കായി വ്യാപകമായി ഉപയോഗപ്പെടുത്തുന്നു.
