മനുഷ്യനെപ്പോലെ പെരുമാറുന്ന റോബട്ടിനെ (ഹ്യൂമനോയ്ഡ് റോബട്ട്) അടുത്ത വർഷം അവസാനത്തോടെ വാണിജ്യാടിസ്ഥാനത്തിൽ വിൽപനയ്ക്കെത്തിക്കുമെന്ന് ടെസ്ല സ്ഥാപകൻ ഇലോൺ മസ്ക്.
വ്യവസായ മേഖലയിലടക്കം തൊഴിലാളികൾക്കു പകരം ഉപയോഗിക്കാവുന്ന ഇത്തരം റോബട്ടുകളെ വിവിധ കമ്പനികൾ വികസിപ്പിച്ചുകൊണ്ടിരിക്കേയാണ്, ടെസ്ല ഒരു മുഴം മുൻപേ എറിയുന്നത്.
ഫാക്ടറികളിലെ ജോലിക്ക് ഉപയോഗിക്കാവുന്ന ഒപ്റ്റിമസ് എന്നു പേരിട്ടിരിക്കുന്ന ടെസ്‌ലയുടെ റോബട്ട് ഈ വർഷം പരീക്ഷണ പ്രവർത്തനം തുടങ്ങുമെന്നും മസ്ക് നിക്ഷേപക യോഗത്തിൽ അറിയിച്ചു.
ജപ്പാനിൽ ഹോണ്ട, ഹ്യുണ്ടായ് തുടങ്ങി കമ്പനികളും ഹ്യൂമനോയ്ഡുകൾ വികസിപ്പിക്കുന്നുണ്ട്.
