ന്യൂഡല്‍ഹി: ടാറ്റാ സണ്‍സ് 2022-23 സാമ്പത്തിക വര്‍ഷത്തില്‍ ഏകദേശം 33,350 കോടി രൂപയുടെ ലാഭവിഹിതം നേടും. ഇതൊരു റെക്കോര്‍ഡാണ്. കഴിഞ്ഞവര്‍ഷം 14529 കോടി രൂപയാണ് ടാറ്റ സണ്‍സ് നേടിയ ലാഭവിഹിതം.
മൊത്തം 33350 കോടി രൂപയില്‍ 90 ശതമാനം, അതായത് ഏകദേശം 30,500 കോടി രൂപ ടാറ്റാ സണ്‍സിന് ലഭിക്കുമെന്ന് കണക്കാക്കപ്പെടുന്നു. ബാക്കി 2023-24 ലെ ലാഭനഷ്ട അക്കൗണ്ടില്‍ കാണിക്കും. കാരണം 2022-23 ലെ ലാഭവിഹിതത്തിന്റെ 80 ശതമാനവും സാമ്പത്തിക വര്‍ഷം അവസാനിക്കുന്നതിന് മുമ്പാണ് ടിസിഎസ് നല്‍കിയത്.
ഗ്രൂപ്പിന്റെ പ്രധാന സ്രോതസായ ടിസിഎസില്‍ നിന്നുള്ള തുകയാണ് ടാറ്റ സണ്‍സിന്റെ റെക്കോര്‍ഡ് വരുമാനത്തിന് കാരണം. റെക്കോര്‍ഡ് ലാഭവിഹിതം ടാറ്റ സണ്‍സിനെ രാജ്യത്തെ ഏറ്റവും ലാഭകരമായ ഏഴ് കമ്പനികളില്‍ ഉള്‍പ്പെടുത്തുന്നു.
