മുംബൈ: നോൺ-കൺവേർട്ടിബിൾ ഡിബഞ്ചറുകളുടെ (എൻസിഡി) ഇഷ്യൂവിലുടെ മൂലധനം സമാഹരിക്കാൻ ഒരുങ്ങി സ്പന്ദന സ്ഫൂർട്ടി ഫിനാൻഷ്യൽ. എൻസിഡി ഇഷ്യൂവിലുടെ മൂലധനം സമാഹരിക്കാൻ ഉള്ള നിർദ്ദേശം 2022 നവംബർ 1-ന് ചേരുന്ന തങ്ങളുടെ ബോർഡ് യോഗം പരിഗണിക്കുകയും അംഗീകരിക്കുകയും ചെയ്യുമെന്ന് കമ്പനി അറിയിച്ചു.
പ്രൈവറ്റ് പ്ലേസ്മെന്റ് അടിസ്ഥാനത്തിലായിരിക്കും ഈ ഇഷ്യൂ എന്ന് കമ്പനി കൂട്ടിച്ചേർത്തു. പ്രൊമോട്ടറും പ്രൊമോട്ടർ ഗ്രൂപ്പും ചേർന്ന് കമ്പനിയിൽ 63.03 ശതമാനം ഓഹരികൾ കൈവശം വച്ചിട്ടുണ്ട്.
ഒരു ഗ്രാമീണ കേന്ദ്രീകൃത നോൺ-ബാങ്കിംഗ് ഫിനാൻഷ്യൽ കമ്പനിയും വൈവിധ്യമാർന്ന സാന്നിധ്യമുള്ള മൈക്രോഫിനാൻസ് ലെൻഡറുമാണ് (NBFC-MFI) സ്പന്ദന സ്ഫൂർട്ടി ഫിനാൻഷ്യൽ. കഴിഞ്ഞ പാദത്തിൽ കമ്പനി 55.15 കോടി രൂപയുടെ ഏകീകൃത അറ്റാദായമാണ് രേഖപ്പെടുത്തിയത്.
ഈ വാർത്തയെ തുടർന്ന് വെള്ളിയാഴ്ച സ്പന്ദന സ്ഫൂർട്ടി ഓഹരി 1.02% ഉയർന്ന് 599.50 രൂപയിലെത്തി.
