2024ല്‍ നല്‍കിയതു പോലെ ഒരു കൂട്ടം സ്‌മോള്‍കാപ്‌ ഓഹരികള്‍ 2025ലും നിക്ഷേപകരുടെ സമ്പത്ത്‌ ഇരട്ടിയാക്കി. വിപണിയിലുണ്ടായ തിരുത്തലിനു ശേഷം നടത്തിയ കരകയറ്റത്തില്‍ സ്‌മോള്‍കാപ്‌ ഓഹരികള്‍ ശക്തമായ കുതിപ്പാണ്‌ നടത്തിയത്‌.
കഴിഞ്ഞ മൂന്ന്‌ മാസത്തിനുള്ളില്‍ ബിഎസ്‌ഇ സ്‌മോള്‍കാപ്‌ സൂചിക 21 ശതമാനമാണ്‌ ഉയര്‍ന്നത്‌. ഇക്കാലയളവില്‍ നിഫ്‌റ്റി 12 ശതമാനമാണ്‌ മുന്നേറിയത്‌.. എന്‍എസിഎല്‍ ഇന്‍ഡസ്‌ട്രീസ്‌ 192 ശതമാനമാണ്‌ കഴിഞ്ഞ മൂന്ന്‌ മാസം കൊണ്ട്‌ ഉയര്‍ന്നത്‌. ഗാര്‍ഡന്‍ റീച്ച്‌ ഷിപ്പ്‌ ബില്‍ഡേഴ്‌സ്‌ ഇക്കാലയളവില്‍ 147 ശതമാനം നേട്ടം നല്‍കി.
സുവന്‍ ലൈഫ്‌, സെഞ്ചുറം ഇലക്‌ട്രോണിക്‌സ്‌, കോസ്‌മോ ഫസ്റ്റ്‌, ഭാരത്‌ ഡയനാമിക്‌സ്‌, സെന്‍ ടെക്‌, മാംഗ്ലൂര്‍ കെമിക്കല്‍സ്‌ എന്നീ ഓഹരികളുടെ വില ഇരട്ടിയായി. വിപണിയിലെ തിരുത്തലില്‍ പല സ്‌മോള്‍കാപ്‌ ഓഹരികളും ശക്തമായ ഇടിവിനാണ്‌ വിധേയമായത്‌.
വിപണി കരകയറിയപ്പോള്‍ ഇവയില്‍ ഒരു വിഭാഗം ഓഹരികളില്‍ ശക്തമായ മുന്നേറ്റമുണ്ടായി.
