ന്യൂഡല്ഹി: ലാഭവിഹിത വിതരണത്തിന്റെ റെക്കോര്ഡ് തീയതിയായി സെപ്തംബര് 7 നിശ്ചയിച്ചിരിക്കയാണ് സ്മോള് ക്യാപ്പ് കമ്പനിയായ ബാന്കോ പ്രൊഡക്ട്സ്. 1000 ശതമാനം അഥവാ 2 രൂപ മുഖവിലയുള്ള ഓഹരിയ്ക്ക് 20 രൂപയാണ് കമ്പനി ലാഭവിഹിതം പ്രഖ്യാപിച്ചിട്ടുള്ളത്. ഒക്ടോബര് 12 നോ അതിന് മുന്പോ ആയി ലാഭവിഹിത വിതരണം പൂര്ത്തിയാക്കും.
കഴിഞ്ഞ മൂന്ന് മാസമായി അപ് ട്രെന്ഡിലുള്ള ഓഹരിയാണ് ബാന്കോ പ്രൊഡക്ട്സ്. 125 രൂപയില് നിന്നും 225 രൂപയിലേയ്ക്കാണ് ഈ കാലയളവില് ഓഹരി വളര്ന്നത്. 80 ശതമാനം നേട്ടമാണിത്.
വാഹന അനുബന്ധ കമ്പനിയായ ബാന്കോയുടെ ഓഹരി വെള്ളിയാഴ്ച 3 ശതമാനം ഉയര്ന്ന് 224.95 രൂപയില് ക്ലോസ് ചെയ്തിരുന്നു. 1,611 കോടി രൂപ വിപണി മൂല്യമുള്ള സ്മോള് ക്യാപ്പ് കമ്പനിയാണിത്. 229.35 രൂപയാണ് 52 ആഴ്ചയിലെ ഉയരം.
118.10 52 ആഴ്ചയിലെ താഴചയുമാണ്.
