കൊച്ചി: എസ്.ബി.ഐയുടെ ബേസിക് സേവിംഗ്‌സ് ബാങ്ക് ഡെപ്പോസിറ്റ് (ബി.എസ്.ബി.ഡി) അക്കൗണ്ടുകള്‍ വഴി ബ്രാഞ്ച് ചാനലിലൂടെ നടത്തുന്ന പണം പിൻവലിക്കലുകള്‍ക്കുള്ള പുതുക്കിയ നിരക്കുകള്‍ ഒക്ടോബർ 1 മുതല്‍ പ്രാബല്യത്തില്‍ വരും.
പ്രൊഡക്‌ട് കോഡ് 10111701 ഉള്‍പ്പെടുന്ന ബേസിക് സേവിംഗ്‌സ് ഡെപ്പോസിറ്റ് അക്കൗണ്ടുകള്‍ക്കാണ് ഈ മാറ്റം ബാധകമാകുന്നത്.
പുതുക്കിയ നിരക്കുകള്‍ പ്രകാരം ഉപഭോക്താക്കള്‍ക്ക് ഓരോ മാസവും നാല് പണം പിൻവലിക്കലുകള്‍ സൗജന്യമായി തുടരാം.
ആദ്യ നാല് പിൻവലിക്കലുകള്‍ക്ക് ശേഷമുള്ള ഓരോ ഇടപാടിനും 15 രൂപയും ബാധകമായ ജി.എസ്.ടിയും എസ്.ബി.ഐ ഈടാക്കും.
